Монгол Улсад цар тахал эхэлснээс хойш хоногт хамгийн олон хүн нас барж, COVID-19-ийн хүндрэлээр нийт 609 иргэн амиа алдлаа
COVID-19 өвчний нэн хүнд хэлбэрээр 31-86 насны 17 иргэн өнгөрсөн 24 цагийн хугацаанд нас барсан талаар ЭМЯ-наас мэдээллээ.
- Эмчлүүлээд 19 хонож байсан 31 настай нэг эрэгтэй
- 19 хоног эмчлүүлж байсан 45 настай нэг эмэгтэй
- 7-13 хоног эмчлүүлж байсан 60-69 насны 4 иргэн
- 4-18 хоног эмчлүүлж байсан 70-79 насны 7 иргэн
- 4-10 хоног эмчлүүлж байсан 80 болон түүнээс дээш насны 4 иргэн
энэхүү халдварын хүндрэл болон архаг суурь өвчний хавсарсан хэлбэрээр энджээ.
Энэ бол коронавирусийн халдвар Монгол Улсад бүртгэгдсэнээс хойш хоногт эндсэн хамгийн олон тохиолдол болж байна. Өнгөрсөн хугацаанд долдугаар сарын 1-нд мөн 17 иргэн эндсэний хоёр нь өөр өвчний шалтгаантай байсныг ЭМЯ мэдээлж байв.
Ийнхүү цар тахлын улмаас амиа алдсан иргэдийн тоо 631 болжээ. Үүнээс COVID-19-ийн шалтгаант нас баралт 609 байна.
Харин өнгөрсөн 24 цагт 1,502 тохиолдол эдгэрсэн байна. Ингэснээр нийт эдгэрсэн хүний тоо 82,933 болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
