ФОТО: Дунд гол үерлэж, Энхтайваны гүүрний нүхэн гарц үерт автжээ

Гэрэл зургийг MPA.mn

Өчигдөр орсон борооны улмаас Дунд гол үерлэж, Энхтайваны гүүрний нүхэн гарц үерт автжээ. 

Ус цаг уур шинжилгээний газраас мэдээлснээр Монгол орны ихэнх гол мөрний зургаадугаар сарын усны дундаж түвшин олон жилийн дунджын орчим буюу бага байх төлөвтэй байгаа. Хэдийгээр ихэнх гол мөрний услагын дундаж хэмжээ олон жилийн дунджаас бага байх төлөвтэй байгаа боловч сарын сүүлийн арав хоногт түр хугацаанд орсон хур тунадасны эрчимшил, хэмжээнээс шалтгаалан усны түвшин огцом нэмэгдэж, түр зуур үерлэх төлөвтэй байгааг хэлсэн юм. 

Мөн агаарын температур ихэнх нутгаар олон жилийн дунджын орчим, сарын зарим хугацаанд орох түр зуурын аадар бороо зэргээс шалтгаалан хуурай сайр, гуу жалгаар уруйн үер буух нөхцөл бүрдэх боломжтой аж. 

Иймд гол мөрөн ба хуурай сайр, гуу жалга даган нутаглаж буй малчид, иргэдийг үер усны аюулаас болгоомжлохыг Онцгой байдлын ерөнхий газраас сэрэмжлүүлж байна. 

ФОТО: