Сая хүн ам тутамд ноогдох Covid-19 халдварын тохиолдлоор Монгол улс АНУ, Энэтхэгээс илүү, Бразилаас бага байна
Оксфордын их сургуулиас эрхлэн гаргадаг Our World In Data статистик порталд үзүүлснээр Монгол улсын нэг сая хүн амд ноогдох Covid-19 халдварын тохиолдлын хэмжээ АНУ, Энэтхэг улсынхаас өндөр, Бразил улсынхаас бага байна.
Өнөөдөр АНУ, Энэтхэг, Бразил гурван улсын халдварын тохиолдлын тоон хэмжээ дэлхийд хамгийн өндөр байгаа юм.
Тухайлбал тавдугаар сарын 29-ний байдлаар нэг сая хүн амд ноогдох Covid-19 халдварын тохиолдол Монгол улсад 180.89 байсан бол АНУ-д 63.47, Энэтхэгт 141.27, Бразилд 285.07 байжээ.
Эндээс Монгол улсад цар тахлын нөхцөл байдал ямар байгааг харж болохоор байна.
Эх сурвалж: OurWorldInData.org
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
