Уншиж байна ...
Зураг
Зураг
ХУУЧИРСАН МЭДЭЭ: 2021/05/18-НД НИЙТЛЭГДСЭН

ЭРЭМБЭ: Вакцинаа хийлгэсэн иргэдэд нээлттэй болсон фитнес төв халдварын хамгийн эрсдэлтэй ангилалд багтаж байна

Б.Дэлгэр, iKon.mn
2021 оны 5 сарын 18
iKon.MN
Зураг зураг
Гэрэл зургийг mpa.mn

Монгол Улсад гамшгаас хамгаалах Бүх нийтийн бэлэн байдлын зэрэг буюу хатуу хөл хориог дөрвөн удаа авсны эцэст тавдугаар сарын 9-нөөс Өндөржүүлсэн бэлэн байдлын зэрэгт бууруулж, зарим үйл ажиллагааг нээгээд буй. Ингэхдээ 18 төрлийн үйл ажиллагааг хязгаарласан бол тавдугаар сарын 15-наас зарим үйлчилгээг шат дараатай нээж эхлээд байгаа. Үүнд

  • Кофе шопыг танхимдаа 50 хувийн дүүргэлттэй
  • Бүх төрлийн сургалтыг 10 хүртэлх хүнтэй
  • Чийрэгжүүлэх төвүүдийг /Фитнес, заал/
  • Бассейнуудыг 50 хувийн дүүргэлттэй нээсэн. 

Харин ресторан, хоолны газрууд зөвхөн хүргэлтээр болон хоолоо савлаж өгөх байдлаар үйлчилж байгаа. 

 

Тэгвэл олон нийтийн үйл ажиллагаа халдварын ямар эрсдэлтэй болохыг АНУ-ын Техас мужийн эрүүл мэндийн нийгэмлэгээс эрэмбэлсэн байдаг. Эрсдэлийг 1-9 хүртэл тоогоор эрэмбэлсэн бөгөөд хамгийн өндөр эрсдэлтэйг 9 хэмээн үнэлжээ. 

Уг жагсаалтаас харвал жим буюу фитнесс төв хамгийн өндөр эрсдэлтэйд тооцогдож байгаа бол ресторан, хоолны газар түүнээс бага эрсдэлтэй хэмээн үнэлжээ.  

Дээр дурдсан үйл ажиллагаа нь вакциныхаа бүрэн тунд хамрагдсан иргэдэд нээлттэй болж байгаа. Гэвч вакцины бүрэн тунгаа хийлгэсэн иргэдэд бусад үйлчилгээг нээгээгүй хэвээр байгаа юм. 

Коронавирусийн эсрэг вакцинжуулалт эрчимтэй явагдаж байгаа ч халдварын эрсдэл өндөр байгааг ЭМЯ сануулсаар байгаа.

Тухайлбал, дөрөвдүгээр сард хатуу хөл хорио тогтоосон үетэй харьцуулахад өнөөдөр шинээр илрэх халдварын тоо хоёр дахин буурсан. Гэхдээ PCR шинжилгээний тоо мөн төдий хэмжээн багассан гэдгийг мартаж болхгүй. Нийт шинжилгээнд эерэг эзлэх дүн Улаанбаатар хотод 11%-тай байгаа нь маш өндөр гэдгийг ЭМЯ-ны газрын дарга Л.Энхсайхан сануулсан юм.