ФОТО: Худалдаа эрхлэгчид “Sunday Plaza” төвийн үйл ажиллагааг хэвийн явуулахыг шаардав

Гэрэл зургийг mpa.mn

“Sunday Plaza” худалдааны төвийн бизнес эрхлэгч, лангуу түрээслэгчид тус төвийн үйл ажиллагааг хэвийн явуулахыг шаардаж, жагслаа.

Тэдний зүгээс “Зуны барааны орлогын мөнгөгүй болоод байна. Бусдыг нь адилхан нээж байж, нэгэнт л хөл хориог цуцалсан бол зах худалдааны төвийг ч мөн нээх хэрэгтэй. Олон хүний ар гэр хохирч, түрээсийн мөнгө нэхэгдэж, хэцүү байдалд байна. Өдөр тутмын орлогогүй учраас туйлдаж байна. Зургаан сарын хугацаанд гурван удаа худалдааны төвийн үйл ажиллагааг хаасан. Түрээслэгч нар дотор өр зээлтэй олон хүн бий. Манай худалдааны төвийнхөн вакцины хоёр дахь тунгаа хийлгээд 14 хоносон. Үүнээс цааш бид тэвчих боломжгүй боллоо” хэмээн байр сууриа илэрхийлэв.

Тавдугаар сарын 22-ноос томоохон зах, худалдааны төвүүдийг нээхээр төлөвлөж байгаа талаар УОК-ын нарийн бичгийн дарга Т.Баярхүү өчигдөр мэдээлсэн. Гэхдээ халдварын нөхцөл байдлаас шалтгаалж тухай бүрд нь зарлах тул өөрчлөгдөж болзошгүй гэдгийг анхааруулсан билээ.

Фото сурвалжилга

Гэрэл зургийг mpa.mn