ХУУЧИРСАН МЭДЭЭ: 2021/04/22-НД НИЙТЛЭГДСЭН
Улаанбаатарт коронавирусийн эсрэг дархлаажуулалтыг маргаашаас үргэлжлүүлэхээр болжээ
iKon.MN
Гэрэл зургийг mpa.mn
Коронавирусээс урьдчилан сэргийлэх дархлаажуулалтыг 2021 оны дөрөвдүгээр сарын 23-ны өдрөөс үргэлжлүүлэхээр болжээ.
Улаанбаатар хотод 120 цэгээр 281 баг гаргаж вакцинжуулалтын ажлыг зохион байгуулахаар бэлтгэл ажлыг хангасан байна.
Хоёр дахь тунгийн хугацаа нь болсон иргэд болон нэгдүгээр тунд хамрагдаагүй иргэдийг вакцинжуулах бөгөөд иргэдэд хэдний өдөр хаана, аль цэгт вакцинд хамрагдахыг хороо, дүүргээс нь утсаар холбогдож, мэдээлэл хүргэх юм байна.
Хатуу хөл хорионы үед дархлаажуулалтыг зохион байгуулахдаа хүний бөөгнөрөл үүсгэхгүй байх, иргэдийг чирэгдүүлэхгүй ажиллах тал дээр холбогдох байгууллагууд ажиллана.
Вакцинжуулалтын цэгийн байршлын мэдээллийг ЭМЯ-наас удахгүй тодорхой мэдээлэх юм байна.
