ИНФОГРАФИК: Уул уурхайн тэргүүлэгч 10 компаниудын өнгөрсөн 10 жилд төлсөн татварын мэдээллийг ил тод болгох нь

A.Жаргал

2021 оны 4 сарын 21

iKon.MN

00:00 00:00

ИНФОГРАФИК: Уул уурхайн тэргүүлэгч 10 компаниудын өнгөрсөн 10 жилд төлсөн татварын мэдээллийг ил тод болгох нь

Sara, ikon.mn - text to speech

Өнөөдөр эдийн засагт эргэлдэж буй дөрвөн төгрөг тутмын нэг нь уул уурхай, олборлох үйлдвэрлэлийн салбараас орж ирдэг гэдгийг та мэдэх үү?

Сүүлийн 10 жилд уул уурхай, олборлох үйлдвэрлэлийн салбарын татварын орлогын 80-90%-ийг Эрдэнэт, Оюу толгой, Петро Чайна Дачин тамсаг зэрэг дараах 10 компани бүрдүүлжээ.

Мөн 2020 оны байдлаар ашигт малтмалын ашиглалтын 1703, хайгуулын 908 тусгай зөвшөөрөл хүчинтэй байжээ. Энэ салбарт ил тод байдлыг нэмэгдүүлэх зорилгоор Монгол улс байгалийн баялаг ихтэй 54 орны хамтаар Олборлох Үйлдвэрлэлийн Ил Тод Байдлын санаачлагад 2006 онд нэгдэн орсон билээ.

Олборлох Үйлдвэрлэлийн Ил Тод Байдлын Санаачлага гэдэг нь нэг талаас олборлох үйлдвэрлэл эрхлэгч компаниуд төлснөө тайлагнана, нөгөө талаас Засгийн газар тэдгээр компаниудаас хүлээн авсан орлогоо тайлагнана. Хоёр талаас ирүүлсэн тайланг олон улсын хөндлөнгийн аудитын байгууллага тулган баталгаажуулалт хийж, аудитаар баталгаажсан нэгдсэн тайлан гаргаж, түүнийг олон нийтэд ил тодоор танилцуулах процесс юм.

Оюу толгой 2010-2020 онд хэдий хэмжээний татвар төлсөн бэ?

Бид энэ удаад уул уурхай, олборлох үйлдвэрлэлийн салбартаа татвар төлөлтөөрөө тэргүүлэгч 10 компани дундаас Оюу толгой компанийн 2010-2020 онд төлсөн татварын талаарх тайлан мэдээллийг графикаар дүрсжүүлэн хүргэж байна.

2010 оноос хойш 24.1 ИХ НАЯД төгрөгийг дотоодын зах зээлд зарцуулж, 20 орчим төрлийн татвар хураамжаар нийт 5.9 их наяд төгрөгийг улс, орон нутгийн төсөвт төвлөрүүлсэн гэдгээ Оюу толгой компаниас мэдээлсэн. Энэ хугацаанд нийт борлуулалтынхаа орлогын 20-30 хувийг татвар, хураамжид төлж ирсний дотор дотоодын ханган нийлүүлэгч 700 гаруй компаниудаар дамжуулан 1.6 их наяд төгрөгийг НӨАТ хэлбэрээр төлжээ.