Энэтхэг улсаас COVID-19-ийн эсрэг 150 мянган хүн тун AstraZeneca вакцин ирлээ

Гэрэл зургийг mpa.mn

БНЭУ-ын Засгийн газраас Монгол Улсын COVID-19 цар тахлын эсрэг тэмцэх үйл ажиллагаанд дэмжлэг үзүүлэх зорилгоор олгосон 150 мянган тун AstraZeneca вакциныг өнөөдөр эх орондоо авчирлаа.

Оксфордын AstraZeneca вакцины эхний татан авалтыг МИАТ-ийн агаарын хөлгөөр тээвэрлэжээ. Уг онгоц 06:40 цагт орчимд Буянт-Ухаа олон улсын нисэх онгоцны буудалд газардлаа.

ВИДЕО:

Вакциныг эхний ээлжид эмч, эмнэлгийн ажилтнууд, цагдаа, онцгой байдлын албаныхан зэрэг хариу арга хэмжээнд ажиллаж буй ажилтнуудад хийх юм. Түүнчлэн вакциныг хийх явцад ямар нэг тасалдал гаргахгүйгээр дараа дараагийн ээлжийн вакцинуудыг татан авах төлөвлөгөө гаргасныг Эрүүл мэндийн сайд С.Энхболд мэдээлж байв.

ФОТО:

Гэрэл зургийг mpa.mn