ЧАНАР 106
ЧАНАР 194
ЧАНАР 194
ЧАНАР
ЧАНАР 51
ЧАНАР 133
ЧАНАР 108
ЧАНАР 128
ЧАНАР 51
ЧАНАР 36
ЧАНАР 256
ЧАНАР 101
ЧАНАР 214
ЧАНАР 125
ЧАНАР 136
ЧАНАР 24
ЧАНАР 45
ЧАНАР 156
ЧАНАР 132
Үсчин, гоо сайхан болон Нарантуул зах зэрэг бүх төрлийн барааны худалдаа үйлчилгээг маргаашаас нээх шийдвэр гарчээ
Нийслэлийн Онцгой Комисс хуралдаж маргааш буюу 2021 оны нэгдүгээр сарын 23-ны Бямба гаргаас үсчин, гоо сайхан болон бүх төрлийн барааны худалдаа үйлчилгээний үйл ажиллагааг нээх шийдвэр гаргажээ.
НОК-оос өгсөн албан ёсны мэдээлэл:
"Нийслэлийн хэмжээнд хязгаарлалт тогтоосон салбар, чиглэлүүдийн үйл ажиллагааг үе шаттайгаар эргэн нээх хүрээнд 2021 оны 1 дүгээр сарын 23-ны өдрөөс
- Бүх төрлийн барааны худалдаа,
- Үсчин, гоо сайхан, хумс заслын үйлчилгээг хязгаарлалтаас гаргаж, хэвийн горимд шилжүүлэх Нийслэлийн Засаг даргын захирамж гарлаа.
Үйл ажиллагаа нь нээгдэж буй аж ахуйн нэгжүүд мэргэжлийн байгууллагуудаас хүргүүлсэн түр заавар, үйл ажиллагаанд баримтлах тусгай шаардлагыг мөрдөнө.
Иргэд халдвар, хамгааллын дэглэмээ сахиж, зорчилт хөдөлгөөний QR бүртгэл ашиглан үйлчлүүлэх шаардлагатай.
Өндөржүүлсэн бэлэн байдлын зэрэгт үйл ажиллагаа явуулж буй ААН-үүдэд холбогдох хяналтын байгууллагууд тогтмол шалгалтын ажиллагаа явуулах бөгөөд шаардлага хангахгүй тохиолдолд үйл ажиллагааг зогсоох хүртэл арга хэмжээ авахыг сануулж байна".
Нийслэлийн Засаг даргын нэгдүгээр орлогч Ж.Сандагсүрэн коронавирусийн халдварын нөхцөл байдлыг харж байж үсчин болон бүх төрлийн барааны худалдаа үйлчилгээний үйл ажиллагааг нээх эсэхийг шийднэ гэж энэ сарын 9-нд болсон хэвлэлийн бага хурлын үеэр хэлж байв.
Өнөөдрийн байдлаар улсын хэмжээнд халдварын батлагдсан тохиолдол 1,592 болсон бол үүнээс 1,097 хүн эдгэрч, эмчлэгдэж байгаа 583 хүн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
