Даваа гарагаас ТҮЦ, гар утас худалдаа болон барааны дэлгүүрүүд, цанын баазуудын үйл ажиллагааг нээх тухай хэлэлцжээ
Улсын онцгой комисс болон Нийслэлийн онцгой комиссын хамтарсан хуралдаан өнөөдөр болсон талаар мэдээлсэн.
Хуралдааны үеэр Шадар сайд, УОК-ын дарга Я.Содбаатар 2021 оны нэгдүгээр сарын 19-нөөс эхлэн ТҮЦ, гар утасны худалдааны газруудын үйл ажиллагааг нээх чиглэл өгсөн байна.
Харин Нийслэлийн удирдлагууд барааны дэлгүүрүүд, цанын баазуудыг нээх санал гаргажээ. Шадар сайдын зүгээс барааны дэлгүүрүүдийг нээх бэлтгэлийг хангуулах нь зүйтэй гэжээ. Гэхдээ коронавирусийн халдвар хамгааллын дэглэмийг чанд сахиулж, хяналт сайн тавихыг зөвлөсөн байна.
НОК хуралдаж эцсийн шийдвэрийг гаргах юм байна.
Үсчин, гоо сайхны үйлчилгээ, барааны захууд, саун, фитнесс, баар цэнгээний газруудын үйл ажиллагааг нээх хараахан болоогүй аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
