Бүх нийтийн бэлэн байдлын зэргийн үед үйл ажиллагааг нь хязгаарлахгүй 15 чиглэлийн байгууллага

Гэрэл зургийг MPA.mn

Улаанбаатарын хэмжээнд бүх нийтийн бэлэн байдлын зэргийг хэсэгчилсэн байдлаар тогтоох шийдвэрийг Засгийн газраас гаргалаа.

Тодруулбал, нийслэлийн хэмжээнд арванхоёрдугаар сарын 23-ны өдрийн 06:00 цагаас 2021 оны нэгдүгээр сарын 6-ны 06:00 цаг хүртэл бүх нийтийн хэсэгчилсэн хөл хориог тогтоож байна. 

Ингэхдээ дараах 15 чиглэлийн үйл ажиллагаанд хязгаарлалт тогтоохгүй. Үүнд, 

1. Эрчим хүч, дулаан сайжруулсан түлшээр хангах үйл ажиллагаа
2. Хүнсний үйлдвэрлэл, худалдаа, түгээлт, тээвэрлэлтийн үйл ажиллагаа
3. Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа
4. Малын өвс, тэжээлийн түгээлт, тээвэрлэлтийн үйл ажиллагаа
5. Улсын онц чухал болон стратегийн ач холбогдол бүхий объект, байгууллагын үйл ажиллагаа, тэдгээрийн хүч хэрэгслийн хангамж, тээвэрлэлт
6. Нийтийн тээвэр, зөвшөөрөлтэй такси үйлчилгээ
7. Хот, суурины ус хангах, ариутгах, татуургын ашиглалтын үйл ажиллагаа
8. Эрүүл мэндийн байгууллага, эм, эмнэлгийн хэрэгсэл ханган нийлүүлэх үйл ажиллагаа
9. Банкны үйл ажиллагаа
10. Хэвлэл мэдээлэл, харилцаа холбоо, шуудангийн үйл ажиллагаа
11. Тусгайлсан чиг үүрэг бүхий байгууллагын үйл ажиллагаа
12. Хууль тогтоох байгууллага, шүүх, прокурор, өмгөөлөл, нотариатын үйл ажиллагаа
13. Оршуулгын үйл ажиллагаа
14. Гэр бүлийн хүчирхийлэлтэй тэмцэх, хүүхэд харах төв
15. Төрийн захиргааны зарим байгууллага багтаж байна.