Баянхонгор аймагт илэрсэн COVID-19-ийн сэжигтэй нэг тохиолдлын PCR шинжилгээний хариу маргааш гарна

Баянхонгор аймагт коронавирусийн халдвар илрүүлэх түргэвчилсэн оношлуурын шинжилгээг тандалтын зорилгоор хийж байна. Ингэхэд өнөөдөр нэг иргэний хариу сул эерэг гарсан байна. 

Энэ талаар Баянхонгор аймгийн Засаг дарга Д.Мөнхсайханаас тодруулахад "Нэг иргэний шинжилгээний хариу сул эерэг гарсан буюу сэжигтэй тохиолдол бүртгэгдсэн. Иймд тухайн иргэнийг тусгаарлаж, PCR шинжилгээний сорьцыг ХӨСҮТ рүү илгээсэн. Одоогоор сэжигтэй тохиолдлын ойрын хавьтлуудыг тусгаарлан, гэрт нь ариутгал, халдваргүйтгэл хийсэн" гэлээ.