COVID-19-ийн ДОТООДЫН халдварын гурван голомтод нийт 22 тохиолдол бүртгэгдээд байна

2020 оны арваннэгдүгээр сарын 17-ны өдрийн 14:00 цагийн байдлаар манай улсад COVID-19-ийн дотоодын халдварын тоо 22 болоод байна.

Дотоодын халдвар гурван газарт голомтлон гарсан хэмээн үзэж буй. Үүнд:

1. ХӨСҮТ-ийн эмч ажилчид 
2. Улаанбаатарт бүртгэгдэсэн ачаа тээврийн жолоочийн
3. Сэлэнгэ, Дархан-Уул аймгийн буюу төмөр зам дагасан халдварууд батлагдан, тандалт судалгаа үргэлжилж байна.

График 1:

Эдгээр гурван голомтод батлагдаад байгааг тохиолдлуудыг ялган харвал,

• ХӨСҮТ-ийн эмч ажилчдаас долоон хүнд/гурван эмч, хоёр сувилагч, хоёр асрагч/ халдвар илрээд байгаа. Эхний халдвар арваннэгдүгээр сарын 6-нд сувилагчаас илэрсэн бөгөөд хамт ажиллаж байсан багийнхныг нь давтан шинжилгээнүүдэд хамруулсаар байгаа юм. 
• Улаанбаатарт бүртгэгдсэн ачаа тээврийн жолоочоос эхтэй халдварын 10 тохиолдол бүртгэгдсэн. Батлагдсан тохиолдлуудын 8 нь жолоочийн ойрын хавьтал, гэр бүлийн гишүүд бол хоёр нь халдвартай нэг иргэний ойрын хавьтал/хоёр оюутан/ байгаа юм.
• Сэлэнгэ аймгийн дөрвөн тохиолдлын гурав нь нэг гэр бүлийн хүмүүс бол шинээр батлагдсан нэг тохиолдол нь уг гурван хүнтэй хавьтал болоогүй  болохыг ХӨСҮТ-ийн Тандалт судалгааны албаны дарга А.Амбасэлмаа мэдээлсэн. Тиймээс Сэлэнгэ аймгийн Сүхбаатар сумын нийт оршин суугчид буюу 22.5 мянган хүнийг бүгдийг нь шинжилгээнд хамруулахаар бэлтгэж буй ОБЕГ-ын дарга Г.Ариунбуян мэдээлэв.
  Дархан-Уул аймагт бүртгэгдсэн тохиолдлыг Сэлэнгийн голомттой хамруулан төмөр зам дагасан халдвар хэмээн үзэж буйгаа А.Амбасэлмаа дарга хэлсэн юм.

График 2. Монгол Улсад батлагдсан COVID-19-ийн нийт тохиолдол