Засгийн газраас тав хоногийн хугацаатай Гамшгаас хамгаалах бүх нийтийн бэлэн байдлын зэрэгт шилжүүлэх шийдвэрийг гаргасан билээ.
Энэ хүрээнд хөл хорионы дэглэмийг сахиулахаар хүчний байгууллагууд нийслэлийн нутаг дэвсгэрт үүрэг гүйцэтгэж эхэллээ. Мөн мэргэжлийн хяналт, цагдаа, онцгой байдлын албан хаагчдын хамтарсан эргүүл хяналтын баг ажиллаж байна. Тухайлбал, НМХГ-ын 400 гаруй албан хаагч дайчлагдан ажиллаж байгаа бөгөөд цагдаагийн нийт 3,000 алба хаагч дэглэмийг сахиулж байна.
Бүх нийтийн бэлэн байдлын зэргийг манай улс анх удаа хэрэгжүүлж байна. "Төрийн байгууллагуудын цөөн тооны хүн ажиллана. Бүх салбарт гамшгаас хамгаалах улсын алба байдаг. Уг албаны хүмүүс ажиллаж бусад нь гэртээ байна. Үүнтэй адил хувийн хэвшлийн байгууллагуудыг ажилчдаа гэрээсээ ажиллах боломжоор хангахыг уриалж байна" хэмээн УОК-аас мэдэгдсэн.
Гэрэл зургийг mpa.mn