ФОТО: Хотын төвд болсон "Ямаатай жагсаал"-ыг тараалаа

Нийслэлийн Баянгол, Баянзүрх, Сүхбаатар, Чингэлтэй, Хан-Уул дүүргийн нутаг дэвсгэрт өчигдөр зөвшөөрөлгүйгээр жагсаал зохион байгуулсан иргэд өнөөдөр дахин "Ямаатай жагсаал"-ыг хотын төвд хийв.

Цагдаагийн байгууллагаас өнөөдөр мөн л зөвшөөрөлгүй зохион байгуулсан "Ямаатай жагсаал"-ыг тараасан бөгөөд өчигдөр жагсаал зохион байгуулагчдын үйл ажиллагааг таслан зогсоож, холбогдох хуулийн дагууу шалгалтын ажиллагаа явуулж, тайлбар аваад явуулснаа мэдээлсэн юм.

Энэ талаар ЦЕГ-ын Хэвлэл мэдээллийн төвийн дарга Б.Баатархүү "Цар тахалтай холбоотой онцгой нөхцөл байдал тогтоосон энэ цаг үед энэ мэтчилсэн хууль зөрчин үйл ажиллагаа явуулахгүй байхыг цагдаагийн байгууллагаас анхааруулж байна. Мөн уг хууль бус жагсаал, цуглаан зохион байгуулсан үйлдлийг шалгах явцад жагсаал, цуглаанд иргэдийг оролцуулахдаа эд мөнгөөр татсан байж болзошгүй үйлдэл урьдчилсан байдлаар тогтоогдсон" гэдгийг хэллээ.

ФОТО

Гэрэл зургийг mpa.mn