О.Тэнгис: 208 бие даагч мөрийн хөтөлбөрөө аудитын байгууллагад ирүүлсэн
Үндэсний аудитын газраас бие даагчдын мөрийн хөтөлбөрийн хүлээн авсан талаар мэдээлэл хийж байна.
ШУУД ҮЗЭХ:
Монгол Улсын Ерөнхий аудиторын орлогч О.Тэнгис "Үндэсний аудитын газар нь Монгол Улсын Их Хурлын сонгуулийн тухай хуулийн 38 дугаар зүйлийн 38.6-д заасны дагуу ирүүлсэн бие даан нэр дэвшигчдийн мөрийн хөтөлбөрийг хүлээн авлаа.
Бие даан нэр дэвшигчдийн мөрийн хөтөлбөрийг 2020 оны дөрөвдүгээр сарын 24-ний өдрийн 24:00 цаг хүртэл хүлээн авсан бөгөөд нийт 208 иргэн мөрийн хөтөлбөрөө ирүүлээд байна.
Өнгөрсөн хоногуудад коронавирустэй холбоотойгоор нийслэл, орон нутагт хөдөлгөөн хязгаарласан. Тиймээс мөрийн хөтөлбөрөө ҮАГ-т биечлэн авчир өгөх боломжгүй хүмүүсийн материалыг цахимаар авсан. 10 гаруй хүн мөрийн хөтөлбөрөө орон нутгаас цахимаар ирүүлсэн. Хөдөлгөөний хязгаарлалт дууссан учраас цахимаар мөрийн хөтөлбөрөө ирүүлсэн хүмүүсийг эх хувиар нь аудитын байгууллагад авчирч өгөхийг сануулж байна.
Гадаадаас цахимаар мөрийн хөтөлбөрөө илгээсэн бүртгэгдээгүй" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
