Уншиж байна ...
Зураг
Зураг
ХУУЧИРСАН МЭДЭЭ: 2020/03/09-НД НИЙТЛЭГДСЭН

Бизнес эрхлэгчдийн 66% зээлийн төлбөр, хүү, хугацаа хамгийн гол бэрхшээл болж байгааг хэлжээ

Б.Ану
2020 оны 3 сарын 9
iKon.MN

COVID-19 халдварын нөлөө дэлхийн эдийн засгийг доргиож байна. 

Тэгвэл Монголын бизнесийн орчинд ямар нөлөө үзүүлж байгааг Монголын Худалдааны Аж үйлдвэрийн танхим судалгаа хийжээ. 

COVID-19 вирусээс урьдчилан сэргийлэх арга хэмжээний бизнест үзүүлж байгаа үр нөлөө ба шаардагдаж буй дэмжлэгийг тодорхойлох зорилгоор энэхүү судалгааг 2020 оны 3-р сарын 3-4-ний өдөр явуулж, МҮХАҮТ-ын гишүүн болон гишүүн бус 1,100 аж ахуйн нэгжийг хамруулсан байна. 
 
Судалгаанд оролцогсдын 67% нь Улаанбаатар хот, 33% нь орон нутгийн бизнес эрхлэгчид байжээ.

Судалгаанд оролцсон компаниудыг салбараар ангилан харвал:

  • 25% нь худалдаа,
  • 22% нь үйлчилгээ,
  • 11% нь хүнсний үйлдвэрлэлийн салбарын аж ахуйн нэгжүүд байна.

Нийт судалгаанд оролцсон аж ахуйн нэгжүүдийн 89% нь 5 тэрбум төгрөгөөс доош жилийн орлоготой,  92% нь 199 хүртэлх ажилтантай байгаа бол 48% нь 10-с дээш жил үйл ажиллагаагаа явуулсан, 24% нь 5-10 жил үйл ажиллагаагаа явуулж буй харьцангуй тогтворжсон аж ахуйн нэгжүүд байна.

Нийт дүнгээр нь харвал бүх салбарын бизнес эрхлэгчдийн үйл ажиллагаанд 65%-аас дээш дүнгээр нөлөө үзүүлжээ.

Судалгааны үр дүнгийн график мэдээллийг танилцуулъя.


1. Бизнест үзүүлж буй нөлөө

COVID-19 судалгаанд оролцогч бизнес эрхлэгчдийн 57 хувийнх нь бизнест маш их нөлөөлж байна гэв.

 

2. Бизнест үзүүлж буй голлох сөрөг шалтгаанд бараа, үйлчилгээний эрэлт буурсан нь нөлөөлж байна

 

3. Covid-19-ээс сэргийлэх арга хэмжээ нь 2020 оны эхний хагас жилд танай компаний орлогод хэрхэн нөлөөлөхөөр байна вэ?

Боловсрол, тээвэр, аялал жуулчлал, хүнсний үйлдвэрлэлийн салбарын орлого 30% ба түүнээс дээш хувиар буурна гэж үзжээ.

 

4. Бизнес эрхлэгчдэд тулгарч буй гол бэрхшээл 

Бизнес эрхлэгчдийн 66% зээлийн төлбөр, хүү, хугацаа хамгийн гол бэрхшээл болж байгааг хэлжээ.

 

5. Түрээс, зээлийн хүү бууруулах дэмжлэг шаардлагатай гэж үзэж байна

 
 

6. Төрөөс үзүүлж болох дэмжлэгүүдийн хэлбэр

 

 

 

 
ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.