Уншиж байна ...
Зураг
Зураг
ХУУЧИРСАН МЭДЭЭ: 2020/01/23-НД НИЙТЛЭГДСЭН

"Замын-Үүдийн боомтоор коронавирусийн халдвартай хүн орж ирээгүй"

Б.Билгүүн, iKon.mn
2020 оны 1 сарын 23
iKon.MN
Зураг зураг
Гэрэл зургийг mpa.mn

Коронавирусийн тохиолдол Монголд гарсан, Замын-Үүдийн хилийн боомтоор уг вирусийн халдвар авсан хүн орж ирсэн гэх иргэдийн дунд гараад буй мэдээлэл ташаа гэдгийг Мэргэжлийн хяналтын ерөнхий газраас хэлж байна. 

Монгол Улсад одоогоор(нэгдүгээр сарын 23-ны 13:00 цагийн байдлаар) энэ төрлийн вирусийн халдвартай хүн орж ирээгүй бөгөөд холбогдох байгууллагууд урьдчилан сэргийлж, хил гааль дээр зорчигчдод хяналт тавин ажиллаж байна. Ямар нэгэн сэжигтэй тохиолдол илэрвэл тухайн зорчигчийг тусгаарлаж, ХӨСҮТ-д хүлээлгэн өгч байгаа бөгөөд тус төв шинжилгээ, оношилгоо хийж, баталгаажуулж байгааг хэллээ.  

БНХАУ-д бүртгэгдсэн уушгины хатгалгаа нь шинэ төрлийн "Коронавирус"-ээр үүсгэгдсэн болохыг ДЭМБ зарласнаас хойш өнөөдрийн байдлаар Тайландад, Хонг Конг, Макао, Тайвань, Өмнөд Солонгос, Япон, АНУ-ын нийт 552 халдвар авч, амиа алдсан хүний тоо 17 болоод байна.

Шинэ коронавирусийн голомт болоод байгаа Хятадын Ухань хотын захиргаа өчигдрөөс хотоос гарах нийтийн тээврийн урсгалыг зогсоох шийдвэр гаргаад байгаа билээ.

 
ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.