"Дөрвөн сартай хүүхэд гадны нөлөөтэй нас барсан эсэхийг тогтоохоор шалгаж байна"

Дөрвөн сартай нялх хүүхэд гадны нөлөөтэй нас барсан байж болзошгүй хэрэг Сүхбаатар аймагт гарсан талаар хэвлэлүүд мэдээлээд байгаа.

Энэ талаар ЦЕГ-ын Хэвлэл мэдээллийн төвөөс тодруулахад "Хүүхэд нас барлаа гэх дуудлага арванхоёрдугаар сарын 24-ний 13:20 цагт ирсэн. Дуудлага мэдээллийн дагуу Сүхбаатар аймгийн Цагдаагийн газраас хэрэг үүсгэн, шалгалтын ажиллагаа үргэлжилж байна. Үүнээс өөр мэдээллийг одоогоор өгөх боломжгүй" гэлээ.

Эх сурвалжийн хэлж буйгаар хүүхэд нас барсан хэрэгт хойд эцэг буюу ээжийнх нь хамтран амьдрагчийг холбогдуулан шалгаж байгаа аж.