Монгол Улсын Үндсэн хуулийн өөрчлөлтөөр Засгийн газрын 4 гишүүн "давхар дээлтэй" буюу УИХ, ЗГ-ын гишүүний албыг давхар хашиж болохоор тусгасан.

Тодруулбал, 39.1.-т "Засгийн газар Ерөнхий сайд, гишүүдээс бүрдэнэ. Ерөнхий сайд болон Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно" гэжээ. Гэхдээ хэрэгжих хугацаа нь 2020 оны 05 дугаар сарын 25-ны өдрийн 12 цагаас эхлэн дагаж мөрдөх учиртай.

Өмнө нь ийм хязгаарлалтгүй байхад, бүх нийтийн сонгуулиар хууль тогтоох дээд байгууллагаа бүрдүүлдэг болсноос /1992 оноос/ хойш Засгийн газрын бүтэц ямар харьцаатай байсныг дор үзүүлэв. 

1. Монгол Ардын Намын тэргүүлсэн Засгийн Газар

- 1992-1996 онд бүтэн засаг барьсан П.Жасрайн Засгийн газар 18 сайдтай ажилласан, үүнээс 4 нь "давхар дээлтэй".

- М.Энхболд, У.Хүрэлсүхийн Засгийн газар тус бүр 18, 16 сайдтай, эдгээрээс цор ганц нь л "дан дээлтэй".

 

2. Ардчилсан Намын тэргүүлсэн Засгийн Газар

- Ж.Наранцацралтын Засгийн газар 100% "дан дээлтэй" бол Ц.Элбэгдорж танхимаа 100% "давхар дээлтэй" гишүүдээс бүрдүүлсэн.

- Н.Алтанхуягийн тэргүүлсэн засгийн газрын 2 гишүүн "дан дээлтэй".

- Ч.Сайханбилэгийн Засгийн газар 11 давхар, 8 "дан дээлтэй" гишүүдээс бүрдсэн ба хожим МАН түүний засгаас гарч буйгаа мэдэгдэж 7 сайдаа танхимаас татаж авсан. Эдгээр 7 сайдын орыг залгасан гишүүдийн ганц нь "дан дээлтэй" байсан.