ХУУЧИРСАН МЭДЭЭ: 2019/10/11-НД НИЙТЛЭГДСЭН
ФОТО: VIII Богд Жавзандамбын зохиосон ном бүтээл, буулгасан зарлиг лүндэн
iKon.MN
Гэрэл зургийг mpa.mn
“Богд хаан 150: Ном бүтээлийн өв” үзэсгэлэн Богд хааны ордон музейд нээгджээ.
1911 оны Үндэсний хувьсгалын удирдагч, Монгол Улсын хаан, VIII Богд Жавзандамба хутагтын түмэн өлзий гийсний 150 жилийн ойд зориулан Монголчуудын төвд хэлт бүтээлийг судлах “Монгол Билиг Төв”-өөс Богд Хааны Ордон Музейтэй хамтран зохион байгуулж буй аж.
Үзэсгэлэнд VIII Богд Жавзандамбын өөрийн зохиосон ном бүтээлийн эмхтгэлийн бар, бичмэл эхүүд, ном сонсоны товъёог, зарим зарлиг лүндэн, Шашин номыг дэлгэрүүлэх тухайд бүтээсэн Хүрээ барын Ганжуур, Зэс гарын Жадонба, Хүрээ барын Данжуурын барын эх судрууд, VIII Богд Жавзандамба хутагтын гадаад, дотоодын ихэс дээдэстэй шашин, төрийн холбоотой асуудлаар харилцаж байсан захиа бичгүүд, түүний өөрийн гэрэл зургууд болон монгол шуудангийн тэмдэгтэд мөнхөлсөн Монгол шуудангийн маркууд, ил захидал, шуудангаар дамжсан захианы дугтуй тэргүүтэнг толилуулж байгаа юм.
VIII Богд Жавзандамба хутагтын “Ном бүтээлийн өв”-тэй холбоотой эдгээр үзмэрүүдийн зарим нь урд өмнө судалгаа шинжилгээний хүрээнд ороогүй, олон нийтэд таниулаагүй, ном хэвлэлд нийтлэгдээгүй үзмэрүүдийг олон түмэнд үзүүлж, танилцуулж байгаагаараа ихээхэн онцлог юм.
Үзэсгэлэн 2019 оны 10 дугаар сарын 25-ны өдрийг хүртэл гарна.
Фото
