Монголын хөрөнгийн бирж дээр өнөөдрийн байдлаар 198 ААН бүртгэлтэй байна. Эдгээр ААН-үүдээс зах зээлийн үнэлгээ, өдрийн дундаж гүйлгээ, арилжаанд орсон өдрийн тоо, төвлөрлийн байдал зэрэг үзүүлэлтээрээ бусдаасаа илүү 20 компанийг сонгож ТОП 20 индексийн багцыг бүрдүүлдэг.
2019.10.03-ны өдрийн ханшаар ТОП 20 индексийн зах зээлийн үнэлгээ 1 их наяд 771 тэрбум төгрөгтэй тэнцэж байна. Эдгээрээс хамгийн өндөр үнэлгээтэй нь АПУ ХК бөгөөд тус компанийн зах зээлийн үнэлгээ 538 тэрбум төгрөг буюу ТОП 20 индексийн 30%-ийг дангаараа бүрдүүлж байна. Сонирхуулахад 2017 оны 12 сард зөвхөн АПУ ХК-ийн зах зээлийн үнэлгээ л гэхэд 1 их наяд төгрөгт дөхөж (965 тэрбум төгрөг) очиж байлаа.
ТОП 20 индексийг бүрдүүлж буй 20 компанийн зах зээлийн үнэлгээ болон нөлөө бүхий хувьцаа эзэмшигчдийн мэдээллийг 2019.10.03-ны өдрийн ханшаар үзүүлэв.
График дээгүүр хулганаа чирж дэлгэрэнгүй мэдээлэл харах боломжтой. Жижиг харагдацтай ААН дээр дарж ТОМРУУЛЖ үзнэ үү.