Шинжааны хоригдлуудын дүрс бичлэгийг ил болгожээ

Өнгөрсөн долоо хоногт YouTube сүлжээнд Хятадын Шинжаанд хоригдлуудыг галт тэргээр зөөж байгаа дүрс бичлэгийг нийтэлсэн байна.

Дрон ашиглан нууцаар авсан гэгдэж байгаа уг дүрс бичлэгт уйгар болон бусад үндэсний цөөнхийн хэдэн зуун хоригдлын нүдийг боож, гарыг нь гавласан байгаагаар харуулжээ.

Мөн тэдний үсийг хуссан байна. Мэргэжилтнүүд нарны гэрлийн тусгал, газрын шинж тэмдгүүдийг судлаад уг дүрсийг өнгөрсөн оны наймдугаар сард Шинжааны зүүн өмнөд Корла хотын өртөөнд авсан гэж тодорхойлжээ.

Терроризм, шашны экстремист үзэлтэй тэмцэх нэрийн дор Хятадын эрх баригчид нэг сая орчим иргэнийг Шинжаанд баривчлан хориод байгаа гэсэн баримт бий.

2017-2018 онуудад орон нутгийн шүүх 230,000 орчим иргэнийг шүүж, ял шийтгэл оноосон тухай Нью Йорк Таймс мэдээлжээ. Шинжаанд Хятадын хүн амын 2 хүрэхгүй хувь оршин суудаг ч 2017 онд орон даяар баривчлагдсан хүмүүсийн 21 орчим хувь энэ бүс нутагт ноогдож байгаа гэнэ.

Эх сурвалж: The Guardian