ФОТО: Хятанчуудын түүхийг харуулсан нандин үзмэрүүд

А.Намуун, iKon.mn

2019 оны 6 сарын 27

iKon.MN

Гэрэл зургийг mpa.mn

“Хятан-Их Ляо улс: БНХАУ-ын Өвөрмонголын Хятаны шилдэг үзмэр” үзэсгэлэн Монгол Улсын Үндэсний түүхийн музейд өнөөдөр нээгдлээ.

Хятан улс нь X-XII зуунд Монголын өндөрлөгийн өмнөд хэсэг, одоогийн БНХАУ-ын умард нутагт аж төрж асан нүүдэлчин угсааны үндэстэн. Хятанчууд 916 онд Их Ляо улсыг байгуулан, 200 гаруй жил оршин тогтносон түүхтэй. Хятан нарын уугуул нутаг тул тэдний үлдээсэн хот суурины туурь, булш бунхны арвин дурсгалууд хадгалагдаж байгаа юм.

Өнөөдөр нээгдсэн үзэсгэлэн дэлхийг шуугиулсан археологийн нээлтийн нэг “Елюй Юй Жигийн бунхан”, “Чэнь-Гуо гүнжийн бунхан”, “Тугалжийн уулын бунхан”-ны олдворууд алт, мөнгөн эдлэл, гоёл чимэглэл, морины тоног хэрэгсэл, ваар шаазан, гэрэлт хөшөө, тахилын зан үйлийн эд өлөг зэрэг 70 иж 450 гаруй ховор нандин үзмэрийг анх удаа нэг дор цогцоор нь дэлгэн үзүүлж буйгаараа онцлогтой юм.

“Чэнь-Гуо гүнжийн бунхны олдвор гүнжийн алтан баг, мөнгөн гутал, алтан чимэгтэй мөнгөн дэр зэрэг олон хосгүй үнэт үзмэрүүдийг 2019 оны 6 дугаар сарын 27-ноос 9 дүгээр сарын 6-ныг хүртэл олон нийтэд үнэ төлбөргүй үзүүлнэ.

Монгол Улс, БНХАУ-ын хооронд дипломат харилцаа тогтоосны 70 жилийн ойн хүрээнд үзэсгэлэнг нээж байгаа аж.

ФОТО: Хятанчуудын түүхийг харуулсан нандин үзмэрүүд

“Хятан-Их Ляо улс: БНХАУ-ын Өвөрмонголын Хятаны шилдэг үзмэр” үзэсгэлэнгээс хийсэн фото сурвалжилга