ФОТО: Л.Дандар баатрын эрэлхэг гавьяа, амьдрал тэмцлийн түүх
1939 оны Халхын голын дайнд түүхэн ялалт байгуулсан БНМАУ-ын гарамгай баатар Лодонгийн Дандарын эрэлхэг гавьяа, амьдрал тэмцлийн түүхийг өгүүлсэн “Домогт баатар Дандар” номын нээлт өнөөдөр боллоо.
Тус номыг домогт баатарын ач охин Г.Гангамөрөн бичсэн бол зохиолч, яруу найрагч Б.Сарантуяа хянан ажиллажээ.
Лодонгийн Дандар нь 1914 онд Булган аймгийн Бүрэгхангай сумын Рашаант гэдэг газар төржээ. Монголын Ардын армийн захирагч бөгөөд монголын тусгаар тогтнол бүрэн эрхт байдлын төлөө тэмцэгч тэрээр монголын ард түмний дунд Алаг морьт Дандар баатар гэх нэрээрээ алдаршсан монголын цэргийн зүтгэлтэн байсан юм.
Тэр ч утгаараа номын нээлтийн үеэр Халхын голын дайны үеийн болон Л.Дандарын хувцас, цэргийн хэрэглэлүүдийг дэлгэн харуулжээ.
Түүнчлэн номын нээлтэд Л.Дандар баатарын хүү Д.Ганбаатар болон төрөл төрөгсөд нь, УИХ-ын гишүүн Ж.Эрдэнэбат, Ц.Гарамжав, Батлан хамгаалах яамны дэд сайд Т.Дуламдорж, гавьяат жүжигчин Т.Баясгалан, Монгол Улсын ардын уран зохиолч П.Бадарч зэрэг тэргүүтэй төр, нийгмийн зүтгэлтнүүд уригдан оролцсон байна.
ФОТО СУРВАЛЖИЛГА:
