УИХ-ын 42 дугаар тойргийн нөхөн сонгуульд оролцох хүсэлтээ өгсөн 13 нам

Т.Саран, iKon.mn

2019 оны 5 сарын 2

iKon.MN

Улсын дээд шүүхэд бүртгэлтэй 13 нам УИХ-ын сонгуулийн 42 дугаар тойргийн нөхөн сонгуульд оролцох тухай хүсэлтээ Сонгуулийн Ерөнхий Хороонд /СЕХ/ хүлээлгэн өгсөн байна.

Тус тойрогт 2019 оны 6 дугаар сарын 30-ны өдөр нөхөн сонгууль явагдах юм.

Хөдөлмөрийн Үндэсний Нам
Ард Түмний Олонхийн Засаглал Нам
Монголын Ногоон Нам
Эрх Чөлөөг Хэрэгжүүлэгч Нам
Ардчилсан Нам
Монгол Ардын Хувьсгалт Нам
Монгол Ардын Нам
Дэлхийн Монголчууд Нам
Монгол Консерватив Нам
Зон Олны Нам
Үнэн Ба Зөв Нам
Иргэний Зориг-Ногоон Нам
Монголын Хүний Төлөө Нам

СЕХ нөхөн сонгуульд оролцох намуудын хүсэлтийг хүлээн авах, нягтлан шалгаж, Хорооны хуралдаанд танилцуулах үүрэг бүхий Ажлын хэсэг байгуулан ажиллуулж байгаа аж.

Намуудын баримт бичгийг хүлээн авснаас хойш 5 хоногт багтаан буюу 2019 оны 5 дугаар сарын 4-ний дотор УИХ-ын 42 дугаар тойргийн нөхөн сонгуульд оролцох намуудыг бүртгэх эсэх тухай асуудлыг хэлэлцэн шийдвэр гаргаж, бүртгэгдсэн намуудад батламж олгох юм.

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!