ШОГ ЗУРАГ: “Байды юу өгүүлэв ...”
Монгол Улсын урлагийн гавъяат зүтгэлтэн, Урчуудын эвлэлийн шагналт зураач, Монголын шог зургийн нэрт мастер Ц.Байдыгийн “Байды юу өгүүлэв ...” шог зургийн үзэсгэлэн Олон улсын инээдмийн баярыг угтан Монголын уран зургийн галерейд дэлгэгдлээ.
Шог зураг нь тухайн нийгэм, цаг үеийн эмзэг сэдвийг хөндөн, хүн ба хүний амьдралын хөгтэй дүр төрхийг хошин шог хэрнээ, ёж шүүмжлэлт байдлаар илэрхийлж, нийгэм, улс төр, цаг үеийн толь болж байдаг.
Энэхүү үзэсгэлэнд Монголын уран зургийн галерейн алтан сан хөмрөгт хадгалагддаг хуучны зургуудаас гадна сүүлийн үеийн бүтээлүүдийг нэг дор дэлгэн олны хүртээл болгож буйгаараа онцлог байв. “Байды юу өгүүлэв ...” шог зургийн үзэсгэлэн гуравдугаар сарын 30-наас дөрөвдүгээр сарын 4-ний өдрүүдэд үзэгч олныг шог зургийн ертөнцөөр аялуулахаар болжээ.
Үзэсгэлэнгээс хийсэн фото сурвалжилга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
13 СЭТГЭГДЭЛТЭЙ
|
