ФОТО: БНСУ-ын Ерөнхий сайдыг Улаанбаатарын төв талбайд угтан авлаа

Б.МАНЛАЙ, IKON.MN

2019 оны 3 сарын 26

iKon.MN

Монгол Улсын Ерөнхий сайд У.Хүрэлсүхийн урилгаар Бүгд Найрамдах Солонгос Улсын Ерөнхий сайд Ли Наг Ён энэ сарын 27-ныг хүртэл манай улсад албан ёсны айлчлал хийхээр өчигдөр хүрэлцэн ирээд байгаа.

Түүнийг өнөөдөр Ерөнхий сайд У.Хүрэлсүх Д.Сүхбаатарын талбайд угтан авсны дараа Их эзэн Чингис хааны хөшөөнд хүндэтгэлж үзүүлж, "Хүндэт зочны дэвтэр"-т гарын үсэг зурсан юм.

Ерөнхий сайд Ли Наг Ён-ы Монгол Улсад хийж буй энэхүү айлчлал нь 2018 оны нэгдүгээр сард Монгол Улсын Ерөнхий сайдын БНСУ-д хийсэн айлчлалын хариу билээ.

БНСУ-ын Ерөнхий сайд Ли Наг Ён өнөөдөр Монгол Улсын Ерөнхийлөгч Х.Баттулга, Улсын Их Хурлын дарга Г.Занданшатар нарт бараалхаж, Монгол Улсын Ерөнхий сайд У.Хүрэлсүхтэй албан ёсны хэлэлцээ хийнэ.

Тэрбээр мөн Монгол Улсад ажиллаж амьдарч байгаа солонгос иргэд, бизнесийн төлөөлөлтэй уулзахаар төлөвлөж байгаа аж.

ФОТО

Гэрэл зургийг mpa.mn

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!