ХУАНЛИ: 2019 онд БҮХ НИЙТЭЭРЭЭ ажлын 10 хоног амарна

Гэрэл зургийг MPA.mn

Нийтээр тэмдэглэх баярын болон тэмдэглэлт өдрүүдийн тухай хуулийн дагуу дараах баяр болон тэмдэглэлт өдрүүдэд бүх нийтээр амардаг билээ. 

Үүнд:

1. Шинэ жил: 1 дүгээр сарын 1,
2. Цагаан сар: билгийн тооллын хаврын тэргүүн сарын шинийн 1, 2, 3,
3. Олон улсын эмэгтэйчүүдийн өдөр: 3 дугаар сарын 8,
4. Хүүхдийн баяр: 6 дугаар сарын 1,
5. Үндэсний их баяр наадам, Ардын хувьсгалын ойн баяр: 7 дугаар сарын 11, 12, 13, 14, 15,
6. Бүгд Найрамдах Улс тунхагласан өдөр: 11 дүгээр сарын 26-ны өдрүүд байдаг. 
7. Их Эзэн Чингис хааны өдөр: Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1,
8. Үндэсний эрх чөлөө, тусгаар тогтнолоо сэргээсний баярын өдөр: 12 дугаар сарын 29,

​Бүх нийтээрээ баярлаж амарч өнгөрүүлдэг баяруудаар жилдээ 14 хоног амардаг байна.

Энэ өдрүүд 2019 онд аль гарагт таарч ирэх жил бүх нийтээр ажлын хэдэн өдөр амрахыг дараах хуанлигаас харвал ажлын 10 өдөр таарч байна. 

2019 оны баяр, амралтын өдрүүдийн хуваарь:

 

Харин бүх нийтээр амардаггүй ч дор дурдсан тэмдэглэлт өдрийг Монгол Улсын хэмжээнд нийтээр тэмдэглэх хуультай байна. 

Үүнд: 

1. Монгол Улсын Үндсэн хуулийн өдөр: 1 дүгээр сарын 13, 
2. Монгол цэргийн өдөр: 3 дугаар сарын 18, 
3. Эрүүл мэндийг хамгаалах өдөр: 4 дүгээр сарын 7, 
4. Оюуны өмчийг хамгаалах өдөр: 4 дүгээр сарын 26, 
5. Гэр бүлийн өдөр: 5 дугаар сарын 15,
6. Залуучуудын өдөр: 8 дугаар сарын 25,
7. Улс төрийн хэлмэгдэгсдийн дурсгалын өдөр: 9 дүгээр сарын 10,
8. Байгаль орчныг хамгаалах өдрүүд: 9 дүгээр сарын дөрөв дэх долоо хоног,
9. Ахмадын өдөр: 10 дугаар сарын 1,
10. Монгол Улсын Нийслэлийн өдөр: 10 дугаар сарын 29,
11. Ардчилал, хүний эрхийн өдөр: 12 дугаар сарын 10,
12. Эх орончдын өдөр: гуравдугаар сарын 1,
13. Шинэ ургацын өдрүүд: 9 дүгээр сарын 5-наас 10 дугаар сарын 20,
14. Монгол Улсын төрийн далбааны өдөр: 7 дугаар сарын 10-ны өдрүүд байна.

Энэ тухай хуультай бүрэн эхээр нь ЭНД дарж унших боломжтой.