НӨАТ-ын буцаан олголтын мэдээлэлд тулгуурласан санхүүгийн үйлчилгээ

ХасБанк НӨАТ-ын  тухай хуулийн шинэчилсэн найруулга хэрэгжиж эхэлсэн үеэс татварын хуулийн хэрэгжилтийг дэмжин, банк санхүүгийн байгууллагын үүргээ ухамсарлан ажилласаар ирсэн.

Шинэ оны босгон дээр NEG Wallet-ийг ашиглан НӨАТ-ын буцаан олголтын мэдээлэлд тулгуурласан санхүүгийн үйлчилгээ нэвтрүүлснийг дуулгахад таатай байна. Тус үйлчилгээг нэвтрүүлснээр иргэд НӨАТ-ын буцаан олголтын мэдээлэлдээ тулгуурлан гэнэтийн санхүүгийн хэрэгцээгээ хялбар аргаар санхүүжүүлэх боломж бүрдлээ.

NEG Wallet аппликэйшн ашиглан санхүүгийн үйлчилгээ авсан иргэний сэтгэгдлийг сонсвол:

Иргэн Ц.Мягмарсүрэн:

НӨАТ-ын буцаан олголтын мэдээллээ ашиглаад яаралтай мөнгөний хэрэгцээгээ шийдэж байна гээд ажлынхан маань хоорондоо их ярьсан. Би эхэндээ тоохгүй байсан боловч ажлын эргэн тойрныхон амар үйлчилгээ байна гээд баярлаад байхаар нь сонирхож үзсэн. Гар утасны програм татаад санхүүгийн үйлчилгээ авна гэхээр нь Банкны салбарт л очих юм бодож байлаа. Ажлын залуугаас асууж байгаад NEG-ийг суулгасан. Өөрөө хэсэг ноцолдож байгаад болохгүй болохоор нь зааврыг нь сайн уншиж байгаад дахиж хийсэн чинь болчихсон шүү. Тэгээд л ХасБанкны энэ үйлчилгээгээр яаралтай мөнгөний хэрэгцээ гарвал асуудлаа шийдэж болохыг харсан шүү. Би чинь мөнгөө нөгөө NEG-ээрээ эхнэрийнхээ данс руу шилжүүлээд утастаж хэлсэн. Манай хүн ч мөнгө чинь дансанд ороод ирлээ гээд бөөн баяр болсон.

NEG үйлчилгээ маш их таалагдсан, NEG аппликэйшнээс л бүх юмаа хийдэг болчихжээ. Банк дээр очно, оочирлоно гэдэг зүйл ч байхаа больж.

Аппликэйшн холбоосууд:

• IOS (iPhone) - https://apple.co/2T2ttJI
• Android - https://bit.ly/2UWmHHc