Жил бүрийн арваннэгдүгээр сарын сүүлийн долоо хоногт Шинжлэх ухааны ажилтны өдрийг тэмдэглэн өнгөрүүлдэг уламжлалтай билээ.
Тэгвэл энэхүү өдрийг угтаж ШУА-ийн харьяа хүрээлэнгүүд ээлжит нээлттэй хаалганы өдөрлөгөө энэ долоо хоногт зохион байгуулж байгаа юм. Нээлттэй хаалганы өдөрлөгийн хүрээнд өнөөдөр/13.11/ Одон орон, Геофизикийн хүрээлэн нээлттэй хаалганы өдөрлөгийг зохион байгууллаа.
Нээлттэй хаалганы өдөрлөгөөр Сансар од эрхсийн ордны үйл ажиллагаа, Монгол Улс, ЗХУ-ын баатар Монгол Улсын Сансрын нисэгч Ж.Гүррагчаагийн хөлөглөн сансарт хүрсэн “Союз-39” хөлгийн буугч аппарат, бэлтгэл хийж байхдаа өмсөж байсан хувцас хэрэглэл, сансрын хоол хүнс, марк, хөлгийн загварууд, дуран, ном, сонин, сэтгүүл зэрэг дэлгэгдсэн байсан юм.
Монголын ШУА-ийн Одон Орон, Геофизикийн Хүрээлэнг /хуучнаар Одон Орон, Геофизикийн Судалгааны Төв/ 1957 онд "Олон Улсын Геофизикийн жил" ажлын хүрээнд ОХУ-ын эрдэмтэн судлаачдын тусламжтайгаар үүсгэн байгуулж байсан түүхтэй.
Нэгэн жарны түүхтэй тус хүрээлэн нь судалгаа шинжилгээний олон улсын стандартад нийцсэн багаж, тоног төхөөрөмж болон баялаг мэдээллийн санд тулгуурлан дэлхийн суурь шинжлэх ухааны хөгжилд өөрийн бодит хувь нэмрээ оруулан ажиллаж байгаа аж.
Одоогоор энэхүү хүрээлэн нь Одон орон судлал, Геофизикийн судлалын чиглэлийн хоёр салбарт нийт 200 гаруй ажилтантай үйл ажиллагаа явуулж байна.
Нээлттэй хаалганы өдөрлөгийн хуваарь:
Гараг |
Өдөрлөг болох өдөр |
Хүрээлэнгийн нэр |
Холбоо барих утас |
---|---|---|---|
Мягмар |
XI/13 |
Физик технологийн хүрээлэн
|
451903 |
Одон орон физикийн хүрээлэн |
458849 |
||
Лхагва |
XI/14 |
Түүх археологийн хүрээлэн
|
455028
|
Хэл зохиолын хүрээлэн |
450480 |
||
Пүрэв |
XI/15 |
Философийн хүрээлэн
|
331512 |
Олон улс судлалын хүрээлэн |
317185 |
||
Баасан |
XI/16 |
Палеонтологи, геологийн хүрээлэн
|
70118283 |
Газарзүй, геоэкологийн хүрээлэн |
329583 |
Гэрэл зургийг: mpa.mn