Тайландын Вант улсын Бангкок хотод дэлхийн "Miss Universe-2018" тэмцээн болох гэж байна. Дэлхийн 190 гаруй орны гоо бүсгүй өрсөлддөг энэ тэмцээнд Монгол Улсаа төлөөлөн оролцох гоо бүсгүйг шалгаруулах "Miss Universe Mongolia" тэмцээн өчигдөр орой Корпорэйт зочид буудалд боллоо.
Тэмцээний төгсгөлийн шатанд 14 гоо бүсгүй өрсөлдсөнөөс загвар өмсөгч Д.Долгион шалгарч Бангкокт болох тэмцээнд оролцох эрхийг авжээ. Түүнд титэм, эрхийн бичгийг 10 сая төгрөгийн хамт гардуулж өгсөн байна.
"Miss Universe Mongolia" нэг сар орчим үргэлжилж, өчигдөр орой шилдгийг тодруулсан нь энэ аж. Шүүгчээр топ модель Г.Уранцэцэг ажиллажээ.
"Miss Universe-2018" тэмцээн 12 дугаар сарын 17-нд Тайландын Вант улсын Бангкок хотод болно.