ХУУЧИРСАН МЭДЭЭ: 2018/10/17-НД НИЙТЛЭГДСЭН
ОХУ-ын Батлан хамгаалахын сайд, армийн генерал С.Шойгу маргааш манай улсад ирнэ
iKon.MN
Монгол Улсын Батлан хамгаалахын сайд Н.Энхболдын урилгаар ОХУ-ын Батлан хамгаалахын сайд, армийн генерал С.Шойгу маргааш буюу аравдугаар сарын 18-нд манай улсад айлчлан ирнэ.
Айлчлалын үеэр хоёр улсын сайд нар Монгол Улсын Батлан хамгаалах яам, ОХУ-ын Батлан хамгаалах яам хоорондын цэргийн хамтын ажиллагааг хөгжүүлэх урт хугацааны хөтөлбөрт гарын үсэг зурна, хэлэлцээр байгуулна, манай улсын Батлан хамгаалах салбарт машин тоног төхөөрөмж хүлээлгэж өгөх юм байна.
Сайд С.Шойгу айлчлалын үеэрээ Жуковын музейн өмнөх Оросын Үнэн алдартны сүмд зочлох юм байна. Энэ үеэр Баянзүрх дүүргийн Цагдаагийн I, II хэлтэс хамгаалалт хийх аж.
Баянзүрх дүүргийн цэргийн штабынхан айлчлалын бэлтгэл ажлыг бүрэн хангажээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
