ФОТО: "Их шавь" спорт сургалтын төв үүдээ нээлээ
Монгол Улсын дархан аварга Жигжидийн Мөнхбатын 1992 онд үүсгэн байгуулсан "Их шавь" дээд сургууль барилга байгууламжаа шинэчлэн "Их шавь" спорт сургалтын төв болж үүд хаалгаа нээлээ.
Сургалтын төвийг мэргэжлийн сумо бөхийн их аварга Хакүхо М.Даваажаргал нээж, үе үеийн олимпийн медальтнууд, үндэсний бөхийн аваргууд, самбо, жүдо, чөлөөт бөхийн холбоод, тус сургуулийн төгсөгчид болон спортын алдартнууд оролцлоо.
Их спорт, үндэсний бөхийн, эх орныхоо нэр хүндийг тив, дэлхийн дэвжээнд дуурсгах өндөр зэрэглэлийн тамирчдын залгамж халааг бэлтгэх зорилготой “Их шавь” дэвжээнд 12-оос дээш насны өсвөр, залуу үеийн тамирчдыг бэлтгэх зорилготой юм.
Одоогоор үндэсний бөх, жүдо, жюү жицү, самбо, чөлөөт бөхийн төрлөөр элсэлт авч байгааг тус төвийнхөн хэлж байлаа. Сургалтыг үе үеийн монголын туршлагатай, Олон улсын хэмжээний мастер тамирчид явуулж байгаа аж.
Нээлтийн ёслолоос хийсэн фото сурвалжилгыг хүлээн авна уу.
