ВИДЕО: Үерлэсэн Туул голд дахин хоёр хүн осолдлоо

Ойрын өдрүүдэд нийт нутгаар орсон усархаг борооны улмаас голууд үерийн түвшинг даван үерлэж байгаа. 

Улаанбаатар хот дундуур урсдаг Туул голын эрэг дагуу олон амралтын газар байрладаг. Зөвхөн налайх дүүрэгт л гэхэд 160 орчим амралтын газар үйл ажиллагаа явуулж байгаа. Мөн зөвшөөрөлгүйгээр голын ойролцоо гэр барьж амралтын газар ажиллуулах тохиолдол ч бас байгааг албаныхан хэлж байна. Гол үерлэсэн ойрын өдрүүдэд тэдгээр амралтын газар, голын эргийг зорьсон иргэд усанд осолдох, шаварт суух нь дуудлага эрс нэмэгдсэн байна.

Тодруулбал, 2018 оны долоодугаар сарын 22-ны Ням гарагт гэхэд Налайх болон Хан-Уул дүүргийн нутаг дэвсгэр, Туул голын орчимд амралтын газарт очоод усанд боогдсон 54 иргэнийг уснаас гаргаж, автомашинтайгаа гол туулж гарах гэж байгаад суусан хэд хэдэн тохиолдол бүртгэгджээ. Мөн усанд живж байсан нэг иргэнийг аварсан ч голын усанд автсан амралтын газруудад хоёр хүн амиа алдсан байна.

Нэг амралтын газар л 50 гаруй хүн усанд боогдож байна гэхээр цаашид усархаг бороо дахин орох төлөвтэй байгаа ойрын өдрүүдэд эрсдэл улам нэмэгдэх нь.

Мөн голын ойролцоо барьсан автозам, барилгууд ч эхнээсээ усанд автжээ. Цаашид голын усны түвшин нэмэгдвэл Туул голын ойролцоох барилга, зам усанд автахгүй гэх баталгаа алга.

Гол үертэй байгаа үед аль болох гол уснаас хол байж, баталгаатай зам, гүүрээр гарч байхыг онцгой байдлын албанаас анхааруулсаар байна. 

ВИДЕО:

ФОТО:

Гэрэл зураг, видеог mpa.mn /Б.Бямба-Очир/