Туул гол дээрх дөрвөн эгнээ, 250 метрийн урттай Яармагийн шинэ гүүр есөн сарын хугацаанд баригдаж, өнөөдөр замын хөдөлгөөнийг нээлээ.
Байгалийн гамшгаас үүдэлтэй ямар нэг асуудал үүсэхгүй бол 50-60 жилийн баталгаатай уг гүүр Хятадын хөнгөлөлттэй зээлийн 30 сая ам.долларын төсөвт өртөгөөр баригджээ.
Гүүрний дээгүүр 8.5 метрийн өргөнтэй, 270 метрийн урттай Д рамп баригдаж байгаа болохоор замууд хоорондоо огтлолцохгүй. Яармагийн гүүрний орчимд замын түгжрэл 50-60 хувь буурна гэж Нийслэлийн авто замын хөгжлийн газрын дарга Ж.Тогтохбаяр хэлж байсан юм.
"Хятадын төмөр замын хоёрдугаар групп товчоо" ТӨК гүүрийн барилгын ажлыг гүйцэтгэж, Монгол Германы хамтарсан зөвлөх компани ажиллажээ.