ФОТО: "Хайрын хурим" салоны ОНЦЛОХ 30 даашинз
"Хайрын хурим" салон 12 жил хуримын даашинз урласан туршлага дээрээ тулгуурлан Монголын анхны хуримын даашинзны шоуг өнгөрсөн Баасан гарагт амжилттай зохион байгууллаа.
Тус салон нь 2005 онд үүсгэн байгуулагдсан бөгөөд өнгөрсөн 12 жилийн хугацаанд 2,000 гаруй даашинзыг урлажээ. Энэ өдөр тэд шилмэл 30 даашинзаа олон нийтэд танилцуулсан юм.
Арга хэмжээнд хүрэлцэн ирсэн бүсгүйчүүд үдшийн гоёлын даашинзаар, эрчүүд хослолоор гоёсон байлаа. Зочид "Хайрын хурим" салоны гаргасан 30 даашинзны коллекцийг үзэж сонирхон өндрөөр үнэлж, ихэд ам сайтай байлаа.
Энэхүү хуримын даашинзны шоу нь Монголдоо анхдагч гэдгээрээ онцлогтой бөгөөд цаашид жил бүр уламжлал болон зохион байгуулагдах юм.
"Хайрын Хурим" салоны захирал, дизайнер Б.Ууганцэцэг "Шоугаараа Монгол хүний онцлогт тохирсон, загвар нь бүгд өөр өөрийн гэсэн онцлогтой, сүүлийн үед тренд болж буй материалаар хийсэн, даашинзны төрлийг бүх талаас нь харуулсан 30 даашинзыг танилцууллаа.
Манай салоны хуримын даашинзны техник, материалын онцлог, хэлбэр дээр илүү анхаардаг. Харахад элдэв гоёл чимэглэлгүй ч, эмэгтэй хүнийг дотроос нь гэрэлтүүлж, сайхан харагдуулж чаддаг" гэсэн юм.
Ингээд та бүхэндээ "30 даашинз" шоунаас хийсэн фото сурвалжилгыг хүргэж байна.
ФОТО
Гэрэл зургийг mpa.mn
