"Төмөр замын дэр мод ялзарч муудсанаас болж осол гарсан"

ОХУ, БНХАУ хоорондын экспортын бараа тээвэрлэж явсан ачааны вагон өнөөдөр "ДАРХАН 1" өртөөнд осолдсныг мэргэжилтнүүд сэргээн засахаар ажиллаж байна.

Энэ талаар Зам, тээврийн хөгжлийн яамны мэдээлж буйгаар, нийт гадаад паркийн найман вагон замаас гарсан. Нэг вагон үр тариа асгарсан, нэг вагон хажуулдсан, зураагн вагон босоогоороо байдалтай байна. Ослын газар дээр  УБТЗ-ын дарга Д.Жигжиднямаа, Зам тээвэр, хөгжлийн дэд сайд Б.Цогтгэрэл, н.Белош орлогч дарга нар болон албадын дарга нар, асгарсан будааг шуудайлж, амыг оёж битүү вагонд ачихаар 200 хүн ажиллаж байна. 

Хүн бэртэж гэмтэж, эндээгүй.

УБ хотоос сэргээн босгох галт тэрэг 17:14 цагт хөдөлсөн. 22:00 цагийн орчимд Дарханд 1 өртөөнд очно. Хөтөл болон бусад өртөөнөөс баласт болон сэргээн босгох засварт шаардлагатай материалыг бэлдэж эхэлжээ.

Улаанбаатар төмөр замын хэвлэлийн төлөөлөгч "Ослын шалтгаан нь төмөр замын дэр мод ялзарч муудсанаас вагон замаасаа гарсан гэдгийг тогтоосон. УБТЗ-ын сэргээн босгох ангийнхан өнөө шөнөдөө хажуулдсан вагоныг босгож хэвийн байдалд оруулна. Одоогоор галт тэрэгний хөдөлгөөн хэвийн үргэлжилж байна

 2012 онд Байгаль орчны сайдын тушаалаар ойгоос төмөр замын дэр мод бэлтгэхийг хориглосон. Үүнээс үүдэн дэр модыг солих ажил удааширсан юм. 2016 онд уг асуудлыг Байгаль орчны сайдад тавьж хоригийг цуцлуулсан ч олон километр замын дэр модыг сольж амжаагүй байсан" гэв.