ТАНИЛЦ: Салхи "ажил хаяснаас" болж өнөө өглөө агаарын чанар АРВАН ГУРАВ ДАХИН мууджээ
Улаанбаатарт салхинаас өөр утаатай тэмцэж чадах хүч алга гэдгийг нотолж та бүхэнд дараах тоо баримтыг танилцуулж байна. Сүүлийн долоо хоног салхины хурд их байснаас л бид харьцангуй цэвэр агаараар амьсгалж байжээ.
Тоо баримт: Салхины хурд 2018 оны нэгдүгээр сарын 28-ны 21:00 цагаас эхэлж 1.6 метр секундээс 0.4 метр секунд болж буурахад агаарын чанар муудсаар өнөө өглөөний 05:00 цагийн орчимд агаарын чанарын индекс 310-аас 4,170 хүрчээ. Энэ нь агаарын чанар ойролцоогоор арван гурав дахин муудсан гэсэн үг юм. Харин 24 цагийн өмнөхтэй харьцуулбал агаарын чанар 40-50 дахин муудсан байна.
Салхи 0.2-0.4 секундын хурдтай 6 цаг орчим байхад л Улаанбаатар хотын агаар амьсгалах аргагүй муу түвшинд ирдэг болохыг тоо баримтаас харж болно.
"Ажил хаясан" салхины хурд буцаж нэмэгдсэнээр агаарын чанар үдээс хойш харьцангуй сайжирлаа.
Та бүхэн доорх графикаас Улаанбаатарын утааг хөөж буй цорын ганц хүч салхи болон агаарын чанарын хамаарлыг харна уу. /Десктоп компьютерээс үзвэл нийцтэй харагдана/
ГРАФИК: Агаарын чанар, агаарын хэм, салхины хурд хоорондын хамаарал, 2018 оны 1 дүгээр сарын 29
- Улаан багана-Агаарын чанарын индекс
- Нил ягаан зураас-Салхины хурд
- Цэнхэр багана-Агаарын хэм
Агаарын чанарын индекс 501-ээс дээш гарахад:
Хүн бүр гадаа биеийн хүч шаардсан ямар ч төрлийн ажил хийхээс зайлсхийх гэртээ байх хэрэгтэй. Цэвэр агаар, салхинд гарах хэрэгтэй. Архаг хууч өвчтэй хүмүүс даралтаа тогтмол хянаж, эмчийн хяналтад байж, эмийг хугацаанд нь уух шаардлагатай. Нүүрстөрөгчийн дутуу исэл их хэмжээгээр гаргадаг эх үүсвэр (тухайлбал автозам)-ээс хол байх хэрэгтэй. Мөн амны хаалт зүүгээрэй.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
