ФОТО: Татварыг эсэргүүцсэн 10,000 орчим иргэн тайван жагсав
МҮЭХ-ны гишүүн байгууллагууд, дэмжигчдийн зүгээс татварын нэмэгдлийг эсэргүүцсэн жагсаалыг Д.Сүхбаатарын талбайд өнөөдөр зохион байгуулж байна.
Уг жагсаалд 10 мянга орчим хүн оролцож байгаа бөгөөд тэтгэврийн насыг нэмэгдүүлэхийг цуцлах, долоон төрлийн татвар, НДШ-ийг нэмэгдүүлэх зэргийг цуцлахыг шаардлаа.
Цаашид бүх аймгуудад уг жагсаалыг үе шаттайгаар зохион байгуулахаар төлөвлөжээ.
"2018 оны нэгдүгээр сард хийсэн хэлэлцээрээр татварын асуудлыг Засгийн газар УИХ-ын түвшинд эргэж харж, тодорхой зөв зүйтэй, оновчтой шийдвэр болгож гаргая гэдэг тохиролцоонд бид хүрсэн. Гэвч тохиролцоо, хэлэлцээрийн шийдвэр үр дүнд хүрэхгүй байгаа учраас эсэргүүцлийн жагсаал, цуглаан зохион байгуулж байна" гэж МҮЭХ-ны Ерөнхийлөгч Х.Амгаланбаатар мэдээлсэн юм.
Түүнчлэн зөвхөн жагсаал цуглаан зохион байгуулаад дуусахгүй, эсэргүүцлийн үйл ажиллагаагаа үргэлжлүүлнэ гэдгээ мэдэгдээд байна.
Фото
Гэрэл зургийг mpa.mn
