УИХ, Засгийн газрын гишүүдийг Тусгай дуут болон гэрэл дохио ашиглахыг хориглолоо
Тусгай дуут болон гэрэл дохио нь зөвшөөрөгдсөн өнгөнөөс хамаарч жолоочид Замын Хөдөлгөөний Дүрмийн зарим зүйл заалтыг мөрдөхгүй байх, бусад хөдөлгөөнд оролцогчдоос давуу эрхтэйгээр хөдөлгөөнд оролцох зэрэг эрхүүдийг олгосон байдаг.
Гэвч сүүлийн жилүүдэд нийслэл хотод хөдөлгөөний ачаалал эрс нэмэгдэж иргэд, зарим нэгэн албан тушаалтнууд ТДГДохиог ашиглах, хэрэглэх сонирхол ихэссэн нь хөдөлгөөний сахилга, дэг журамд муугаар нөлөөлж эхэлсэн байна.
Тиймээс замбараагүй хэрэглээг хязгаарлах сахилга дэг журмыг тогтоох чиглэлээр Монгол Улсын Засгийн Газраас үүрэг чиглэл өгөгдсөний дагуу зохион байгуулалтын арга хэмжээнүүдийг Замын Цагдаагийн албанаас авч хэрэгжүүлж эхлээд байгаа аж. Тус ажлын хүрээнд 2016 онд батлагдсан “Тээврийн хэрэгсэлд тусгай дуут болон гэрэл дохио тавьж хэрэглэх" журмыг энэ сарын 11-нд шинэчлэн баталжээ.
Шинэ журамд “тусгай зориулалтын болон тоноглогдсон тээврийн хэрэгслүүдэд олгогдсоноос бусад“ гэх заалт хүчингүй болжээ.
Шинэчлэгдэн батлагдсан журам нь:
- ЗХАБТХ-ийн холбогдох заалтад нийцүүлсэн
- Хэрэглэх тээврийн хэрэгслүүдийн тоог цөөрүүлсэн
- Хэрэглэх тээврийн хэрэгслүүдийг тодорхой болгож өгсөн, тусгай зориулалтын тээврийн хэрэгсэлд Монгол улсын стандартын /MNS4979:2016/ шаардлага хангасан тохиолдолд зөвшөөрлийг олгохоор зохицуулж өгснөөрөө онцлогтой байна.
Дараах 3,4 дүгээр зэрэглэлийн Төрийн өндөр албан тушаалтнуудыг тусгай дуут болон гэрэл дохио ашиглахыг хоригложээ
Шинэчлэгдсэн журмын гол өөрчлөлт
Улаан өнгийн тусгай дуут болон гэрлэн дохио
Ногоон өнгийн тусгай дуут болон гэрлэн дохио
Шар өнгийн тусгай дуут болон гэрлэн дохио
MNS4979:2016 стандарт
Цаашид цагдаагийн байгууллагаас тээврийн хэрэгсэлд тусгай дуут болон гэрлэн дохио тавьж хэрэглэх журмын хэрэгжилтийг сахиулах, хяналт шалгалтыг тасралтгүй явуулж ажиллахаар төлөвлөж байгаа бөгөөд иргэд жолооч та бүхнийг дүрэм, журам зөрчин ТДГДохиог хэрэглэхгүй байхыг зөвлөж буй юм.
Хэрэв зөрчсөн тохиолдолд МУ-ын хууль, тогтоомжид заасны дагуу хуулийн хариуцлага хүлээх болно гэдгийг анхаарууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
11 СЭТГЭГДЭЛТЭЙ
|
