Төрийн тусгай албан хаагчдын нэгдсэн эмнэлэг нь Монгол Улсын Засгийн газрын 2016 оны 08 дугаар сарын 31-ний өдрийн 68 дугаар тогтоолоор Хууль зүй, дотоод хэргийн сайдын эрхлэх асуудлын хүрээнд дахин сэргээн байгуулагдсан.
2017 оны нэгдүгээр сараас эхлэн шинэ бүтэц, зохион байгуулалттайгаар амбулаторийн тусламж, үйлчилгээгээр үйл ажиллагаа явуулан 12 сарын байдлаар нийт 210,000 гаруй хүнд эрүүл мэндийн тусламж үйлчилгээг үзүүлжээ.
Тус эмнэлгийн Б блок болох 10 тасаг бүхий 240 ортой, 6 хагалгааны өрөөтэй байрны нээлт өнөөдөр боллоо.
Төрийн тусгай албан хаагчдын нэгдсэн эмнэлгийн үйл ажиллагаанд оношлогооны дэвшилтэт технологийн 128 зүслэгийн компьютер томографийн оношлогоо, спирометрийн шинжилгээ, зүрхний ЭХО, харшлын сорил, хүүхдийн тусламж зэрэг үйлчилгээний нэр төрлүүдээ нэмэгдүүлжээ.
Б блок ашиглалтад орохтой холбогдуулан Австри улсын засгийн газрын 7 сая еврогийн хөнгөлөлттэй зээлд хамрагдаж, эхний ээлжийн 2 сая еврогийн үнэ бүхий тоног төхөөрөмж энэ сарын 20-ны өдөр ирэхээр товлогдсон байна.
Гэрэл зургийг mpa.mn