iPhone 8, 8 Plus, X загварууд Монголд ХЭЗЭЭ, ХЭДЭН төгрөгөөр худалдаалагдах вэ?
Apple компани шинэ бүтээгдэхүүн болох iPhone 8, iPhone 8 Plus, iPhone X загваруудаа энэ сарын 12-ны өдөр танилцуулсан билээ.
iPhone 8, iPhone 8 Plus загвар өнөөдрөөс /2017 оны есдүгээр сарын 22-нд/ худалдаанд гарч байгаа. Харин iPhone X загвар аравдугаар сарын 27-нд захиалга нь эхэлж, арваннэгдүгээр сарын 3-наас эхлэн худалдаалагдах юм.
Apple компанийн тус шинэ загварын утаснууд Монголд хэдийгээр албан ёсоор худалдаалагдах талаар сурвалжиллаа.
Энэ жил үүрэн холбооны оператор Юнител, Мобиком корпораци албан ёсны эрхтэйгээр худалдаалах аж. iPhone 8, iPhone 8 Plus утаснуудыг ирэх арваннэгдүгээр сарын дундуур Монголд оруулж ирэхээр төлөвлөжээ. Үнийн хувьд 2,500,000 орчим төгрөгөөр худалдаалагдана гэв.
Харин iPhone X загварын хувьд арванхоёрдугаар сарын сүүлээр орж ирэх ба 3 сая орчим төгрөгөөр худалдаалагдана гэж тус корпорацийн борлуулалтын мэргэжилтэн мэдээллээ.
-TEDY төв-
Тэди төвийн худалдаачид iPhone-ын шинэ загварууд худалдаалагдаж эхэлмэгц Хонг Конгоос худалдан авч, борлуулна гэлээ. Одоогоор хэдэн төгрөгөөр, хэзээ оруулж ирэх нь тодорхойгүй байгаа гэх тайлбарыг өгөв.
"Захиалсан эхний утаснууд ажлын 5-10 хоногт багтан ирнэ"
Захиалга
Apple компанийн Монгол дах албан ёсны iPhone Center Mongolia дэлгүүр iPhone 8, 8 Plus, iPhone X загваруудын захиалга авч эхэлсэн байна. Захиалсан эхний утаснууд ажлын 5-10 хоногт багтан ирэх аж.
Тус дэлгүүр нь гурав дахь жилдээ iPhone утасны шинэ загваруудыг хэрэглэгчдэд хүргэж байгаа юм. Захиалсан утсыг Америк дахь Apple компанийн албан ёсны дэлгүүрээс шууд нийлүүлж, худалдан авсан баримтаар нэг жилийн баталгаа олгоно гэлээ.
Үнэ
/Америк долларын өнөөдрийн ханш 2,465 төгрөгөөр тооцов/
iPhone 8, iPhone 8 Plus загвар гурван өнгийн сонголттой. /Space Gray, Gold, Silver/
iPhone 8 64GB
- Үндсэн үнэ: 1,723,035 төгрөг /699$/
- Захиалгын үнэ: 2,070,600 төгрөг /840$/
iPhone 8 256GB
- Үндсэн үнэ: 2,092,785 төгрөг /849$/
- Захиалгын үнэ:2,440,350 төгрөг /990$/
iPhone 8 Plus 64GB
- Үндсэн үнэ: 1,969,535 төгрөг /799$/
- Захиалгын үнэ: 2,317,100 төгрөг /940$/
Phone 8 Plus 256GB
- Үндсэн үнэ: 2,339,285 төгрөг /949$/
- Захиалгын үнэ: 2,686,850 төгрөг /1,090$/
iPhone X загвар хоёр өнгийн сонголттой. /Space Gray, Silver/
iPhone X 64GB
- Үндсэн үнэ: 2,462,535 төгрөг /999$/
- Захиалгын үнэ: 2,834,750 төгрөг /1,150$/
iPhone X 256GB
- Үндсэн үнэ: 2,832,285 төгрөг /1,149$/
- Захиалгын үнэ: 3,204,500 төгрөгийн /1,300$/ үнэтэй байна.
