Сүү ХК-ийн “60 супер азтан” хөтөлбөрийн 4 дэх тохирлын азтанууд шагналаа гардан авлаа
Монгол улсын ууган үйлдвэр Сүү ХК-иас 60 жилийн ойн хүрээнд “60 супер азтан” сугалаат хөтөлбөрийг зохион байгуулж, хэрэглэгчиддээ бэлэг барьж байгаа билээ.
Хэрэглэгчид Сүү ХК-ийн тетрапак савлагаатай “MILK” сүүний логог цуглуулан, сугалаа авч энэхүү хөтөлбөрт хамрагдах боломжтой юм байна.
Энэхүү хөтөлбөрийн 4 дэх тохирол 4-р сарын 7-ны 20:00 цагаас MNC телевизээр шууд явагдаж, нийт 11 азтан тодорчээ.
Энэхүү тохирлын супер шагнал iPhone8 гар утасны эзнээр Г.Хулан, нөүтбүүкний эзнээр Ц.Одончимэг, 1 сая төгрөгийн эзнээр О.Мөнхзул, 500 мянган төгрөгийн эзнээр Х.Баттулга, Б.Баярмандах нар, бүтэн жилийн сүү тарагны хэрэглээний эзнээр Д.Эрдэнэчимэг, Г.Болормаа нар, бүтэн жилийн сүүний хэрэглээний эзнээр О.Номин, Ж.Бодьгэрэл нар, хагас жилийн сүүний хэрэглээний эзнээр Д.Цэрэндаш, Б.Тэмүүжин нар тус тус тодорч, азтан боллоо.
5-р сарын 5-нд явагдах сүүлийн тохирлоор хөтөлбөрийн супер шагнал PRIUS 20 автомашины эзэн тодрох бөгөөд ийнхүү нийт 60 азтан сүүгээ уугаад, 8 төрлийн хонжворын эзэд болох боломжтой юм.
Дашрамд дурдахад, СХД-ийн Макс-21 супермаркет болон Сүү ХК-ийн байранд ажлын өдрүүдэд “MILK” сүүний логог хүлээн авч, сугалааг байнга олгож байгаа аж.
