Хятадын нэгэн компани ажилчдынхаа шагналын мөнгөөр хана босгожээ

Өнгөрсөн Мягмар гарагт баруун хойд Хятадын Ганьсу мужийн төв Ланьжоу хотын нэгэн компани оны эцсийн үр дүнгийн урамшууллыг ажилтнууддаа олгох ёслол зохион байгуулжээ.

Компани ажилтан бүртээ 50,000 юань ($7,940 орчим), тэтгэвэрт гарсан хүмүүстээ болон ажилтнуудынхаа эцэг эхэд 3,000 юань тус тус шагнасан байна.

Шагналд зарцуулсан нийт мөнгөний дүн нь 100 сая гаруй юань ($15 сая гаруй) болсон тухай орон нутгийн хэвлэл мэдээлжээ.

Мөн шагналд зарцуулсан мөнгөө бэлнээ тараахдаа хана босгож ажилтнууддаа сюрприз барьсан байна.

 

 

Эх сурвалж: ECNS.cn