МЭЗЧ-ны хуралдаанууд үргэлжилж байна. Бид олон салбар хуралдаанаас “Цомхон, чадварлаг төр” хэмээх сэдэвтэй хуралдааныг онцлон хүргэж байна.
Хуралдааны хөтлөгчөөр Улаанбаатар хотын худалдааны танхимын Гүйцэтгэх захирал, UFC группийн Ерөнхий захирал О.Амартүвшин оролцож байна.
Харин хуралдаанд нийтлэлч Б.Батбаяр, Нийслэлийн Засаг дарга бөгөөд Улаанбаатар хотын захирагч Э.Бат-Үүл, Xillion ХХК-ны Ерөнхий захирал Д.Цогтбаатар, Метро Девелопмент группийн ТУЗ-ийн дарга Б.Одсүрэн, УИХ-ын гишүүн Л.Энх-Амгалан нар оролцлоо.
Гэрэл зургийг mpa.mn
тухай мэдээллийг өглөө.
Б.ОДСҮРЭН: ТӨРИЙН АЛБАНЫ ХҮНИЙ НӨӨЦ, УР ЧАДВАР ЧУХАЛ
Б.Одсүрэн хуралдааны эхэнд энэ асуудлаар илтгэл тавилаа. Түүний хэлсэн онцлох эшлэлийг хүргэж байна.
Монгол төр цасан өвгөн наранд хайлж байгаа мэт өдрөөс өдөрт шалбааг болох аюултай.
Төрийн дээд хэсэгт ямар шийдвэр гарч байгааг иргэд мэддэг ч хэрэгждэггүйд нь дасчихжээ. Эдгээр асуудлууд нь төрийн хүний нөөц, боловсон хүчний бодлоготой холбоотой гэж үзэж байна.
Төрийн албан хаагчдын ур чадвар, этикийн тухай ярих цаг болжээ.
Э.БАТ-ҮҮЛ: МОНГОЛЫН ТӨРИЙГ ЭД БАЯЛГИЙН ХЭРЭГСЭЛ БОЛГОЧИХЛОО
Иргэддээ супермаркет шиг үйлчилдэг төрийг сайн төр гэнэ.
Бид Дүнжингаравт супермаркетаа нээчихсэн. Одоо Драгон, Мишээл дээр нээнэ гэж бодож байгаа.
Бид татвар төлөгчдөөсөө татвар авчихсан гэдэг чинь барааных нь төлбөрийг урьдчилаад авчихсан гэсэн үг.
Төр хэн нэгний эд баялгийн эх сурвалж болох юм бол бүгд төрийн эрх мэдэл рүү зүтгэнэ.
Ер нь мөхлийнхөө ирмэгт очсон улсуудын араас явах гээд байна.
Төр бизнес хийдэг хүнийг баяжуулдаг хэрэгсэл болох юм бол найз нөхөд ч найз нөхөд, ах дүү нар ч ах дүү байж чадахгүй.
1990 онд бидэнд эрх чөлөөнөөс илүү шунал байгаагүй.
Б.БАТБАЯР: ТӨР ЗОХИЦУУЛАЛТ ХИЙДЭГ ГАЗАР БОЛОХООС ҮЙЛДВЭРЛЭДЭГ ГАЗАР БИШ ЭЭ
Төрд бал бурам тарааж байгаа учраас ингэж төр рүү зүтгэж байгаа юм.
Төр зохицуулалт хийдэг газар болохоос үйлдвэрлэдэг газар биш ээ.
Төр хуушуур хийдэг, үс засдаг газар биш ээ. Төр үйлдвэрлэл явуулахаа больё оо.
Үндэсний аюулгүй байдал гэдэг нь олон улсын стандартаар гуравхан ойлголт бий. Нэгдүгээрт гадаад байдлаа хамгаалах цэрэг, хоёрдугаарт дотоод асуудал, гуравдугаарт төрийн функциональ үйл ажиллагаа байдаг.
Үнэгүй гоё юм өгч байгаа юм чинь төр рүү зүтгэхгүй яадаг юм.