"Өнөөдөр ихэнх нутгаар дулаарна. Өдөртөө нийт нутгаар багавтар үүлтэй. Хур тунадас орохгүй. Салхи нутгийн зүүн хэсгээр баруун хойноос, бусад нутгаар баруунаас секундэд 5-10 метр, тал, хээрийн нутгаар секундэд 14-16 метр хүрч ширүүснэ.
Ихэнх нутгаар дулаарч Увс нуур болон Дархадын хотгор, Монгол-Алтай, Хангайн уулархаг нутаг, Завхан голын эх, Хүрэнбэлчир орчим, Байдраг голын хөндийгөөр +5...+10 градус, Их нууруудын хотгор, говийн бүс нутгаар +15...+20 градус, бусад нутгаар 10...+15 градус дулаан байна" гэж Цаг уурын байгууллагаас мэдээллээ.
Дөрөвдүгээр сарын 20-ныг хүртэл ихэнх нутгаар дулаарах төлөв гарчээ.
Өнгөрсөн өдрүүдэд Өмнөговь, Говь-Алтай, Баянхонгор, Өвөрхангай, Дундговь, Дорноговь, Архангай, Булган, Сэлэнгэ, Төв, Чойр, Хэнтий, Сүхбаатарын нутгаар хүчтэй шороон шуурга шуурч, цаг агаарын аюултай үзэгдэл болсон байна.
Завхан, Говь-Алтайн зүүн, Хөвсгөл, Булган, Баянхонгор, Архангай, Өвөрхангай, Төв, Дундговийн нутгаар цасан шуурга 1-5 цаг үргэлжилжээ.