УИХ-ын дарга З.Энхболдын хэлсэн онцлох 70 ЭШЛЭЛ

УИХ-ын дарга З.Энхболд "2-р суваг" телевизэд ярилцлага өгөх үеэр,

УИХ-ын дарга З.Энхболд "2-р суваг" телевизийн “Цензургүй яриа” нэвтрүүлэгт оролцон ярилцлага өгсөн билээ. iKon.mn сайт тус ярилцлагаас онцлох эшлэлүүдийг хүргэж байна. 

З.Энхболдын хэлсэн онцлох 70 ЭШЛЭЛ:

“Давхар дээл”-ийн тухай хууль батлагдаж чадаагүй талаар:

1. Энэ удаагийн Засгийн газрыг огцруулахгүйгээр асуудлыг шийдэж болох байсан. Тэр боломжоо ашигласангүй.
    
2. Намын жагсаалтаар гишүүн болоод давхар сайдын алба хашиж байгаа долоон хүн байна. 
    
3. Энэ долоон хүн сайдаараа үлдээд УИХ-ын гишүүнээсээ татгалзвал жагсаалтын дараах хүмүүс УИХ-д орж ирнэ. Ийм замаар үе шаттайгаар энэ оноос эхлээд дан дээлтэй сайд нартай болох боломж байсан. 
    
4. 76 гишүүний 17 нь сайд болчихоод байгаа нь буруу. Наад зах нь ирц дээр харах хэрэгтэй. 
    
5. Хэрвээ энэ 17 сайд УИХ-ын чуулганы хуралдаанаа тасалдаггүй байсан бол Ерөнхийлөгч “давхар дээл”-ийн тухай хууль санаачлахгүй байсан.
    
6. Өөрийнх нь огцрох асуудал яригдахад 17 сайд УИХ-д бүгдээрээ сууж байсан мөртлөө залгаад утааны асуудал хэлэлцэхэд Л.Гантөмөр, С.Оюун хоёроос бусад нь алга болчихож байгаа юм.
    
7. Ерөнхий сайд өөрөө сайн дураараа “давхар дээлтэй” сайд нараа цөөлж болно.
    
8. Хэдэн болохгүй сайдаа явуулъя гэдэг дээр санал нэгдээд байгаа. Гэхдээ үүнийг Ерөнхий сайд өөрөө санаачилж оруулж ирэх хэрэгтэй. 
    
9. Сайд нарт үнэлгээ өгөөд болохгүй сайд нараасаа салж болно шүү дээ.

Р.Бурмаа гишүүнийг АН-аас хөөх, эсэх тухай:

1. Р.Бурмаа гишүүнийг намаас хөөх шийдвэрийг буруу гэж үзэж байгаа. 
    
2. Холбогдох хуульд УИХ-ын гишүүн санал өгөхдөө Ардчилсан намын эрх ашгийг баримтална гэсэн заалт байхгүй.
    
3. Энэ маргаанд Р.Бурмаа гишүүний зөв болж таарч байгаа. 
    
4. Жагсаалтын гишүүн, тойргийн гишүүн хоёрыг ялгасан хууль байхгүй. УИХ-ын гишүүн л бол гишүүн. 
    
5. Р.Бурмаа гишүүнийг хөөгөөд дараагийн хүнийг оруулна гэдэг тийм дур зоргын асуудал байхгүй. 
    
6. Намын дүрэм ч гэсэн Үндсэн хуультай нийцэх хэрэгтэй. 
    
7. Би үлдэх гээд байгаа биш. 
    
8. Өнгөрсөн хоёр долоо хоногийн үйл явдал олон зүйлийг хүмүүсд ойлгуулж өглөө.
    
9. Бидний үүсгэсэн систем 1990 оны өмнөх рүү яваад байна.
    
10. Намын улс орны амьдралд оролцох оролцоо Үндсэн хуульд заасан гуравхан газар байдаг. 
     
11. Үндсэн хууль намыг байх байранд тавьж өгсөн. 
     
12. Одоогийн УИХ-ын онцлог бий. Олонх байхгүй УИХ.
     
13. Дөрвөн гишүүнээ намаас хөөе гэж бодоход нөгөө дөрөв маань МАН-ын УИХ дахь 26 гишүүн дээр нэмэгдэх боломжтой. Одоо УИХ дахь АН-ын 34 гишүүнээс ингээд дөрөв нь хасагдчихна. Р.Амаржаргал гишүүн ерөнхийдөө бүлгийн хуралд суухаа больсон. Тэгэхээр Ардын нам 30, 31 болоод бид 29 болчихно. Олон болсон МАН нөгөө үлдсэн хэдтэйгээ хэлэлцээр хийх эрхтэй. Сонгуулийн дараах байдал давтагдана гэсэн үг.
     
14. Хэцүү үр дагавартай учир би намаас хөөх, хөөхгүй асуудал Р.Бурмаа гишүүнээр дуусна гэж бодож байгаа. 

Х.Тэмүүжин сайдыг огцруулах, эсэх асуудалд:

1. Өөрийн хүсэлтээр албан тушаалаасаа чөлөөлөгдөх соёл манайд Ц.Элбэгдорж Ерөнхийлөгчөөр дууссан. 
    
2. Сайд нар маань суудалдаа “хөнгөн” суух хэрэгтэй л дээ. Болохгүй бол явчихдаг байх.
    
3. Х.Тэмүүжин сайдыг огцруулах асуудалд одоо яригдаж байгаагаас өөр эрүүгийн хэрэг орж ирээд байгаа юм.
    
4. Өөр эрүүгийн хэргийг мөрдөх явцад Х.Тэмүүжин сайдын нэр гарч ирээд байгаа. Утсаар холбогдсон ч гэх юм уу. Ийм зүйл хэд хэд байна. 
    
5. Дуусаагүй мөрдөн байцаалт хаалттай байдаг учраас нуухаас өөр аргагүй. УИХ-ын нэгдсэн чуулганаар хэлэлцэхдээ ч мөн ийм зарчмаар явна. 
    
6. Хүний мууд дуртайдаа огцруулах гээд байгаа юм биш. 
    
7. Шинэчлэлийг ганцхан Тэмүүжин гэдэг нэртэй Чингис баатар гарч ирээд хийчихдэг ажил биш л дээ.
    
8. Ядаж гурван гол байгууллага нь энэ шинэчлэлээ дэмжиж явах ёстой.
    
9. Х.Тэмүүжин сайдын нэг зүйлтэй би огт санал нийлдэггүй.
    
10. Одоогийн гурван хуулийн байгууллагыг их муухайгаар хэлдэг юм.  /цагдаа, прокурор, шүүх/
     
11. Хуулийн энэ системд реформ хэрэгтэй юу хэрэгтэй. Үүнийг Х.Тэмүүжин ганцаараа олж хараад хийгээд байгаа юм биш.
     
12. Хамгийн том реформийг Ерөнхийлөгч Ц.Элбэгдорж хийсэн. Хэд хэдэн шүүхийн тухай хууль байгаа. Тухайн үед Хууль зүйн сайд байсан Ц.Нямдорж дэмжиж байж энэ зургаан, долоон хуулийг гаргасан. 
     
13. Одоо үлдсэн хоёр жилийн хугацаанд Х.Тэмүүжин сайдыг цагдаа, прокурор, шүүх буюу өөрийнх нь хийх гэж байгаа хуулиудыг гардан хэрэгжүүлэх хүмүүстэй учраа олоод явна гэдэгт итгэл алдарсан.
     
14. Х.Тэмүүжин сайд эрх мэдэлтэй холбоотой томилгоогоо маш түргэн хуульчилж авсан. 
     
15. Үнэхээр сайн Эрүүгийн хуулийн төсөл өргөн баригдаж байна. Харамсалтай нь ажлаа авснаас хойш жил найман сарын дараа. Энэ сайн хууль. Би чадах, ядахаар дэмжээд гаргана. 
     
16. Хуулийн салбарын шинэчлэл олон мянган хүний хичээл, зүтгэлээр хийгддэг. 
     
17. Энэ реформийг Х.Тэмүүжинийх гэх нь ч учир дутагдалтай. Үүнийг Ардчилсан нам олон жил ярьж, хийж яваа.
     
18. Бүх зүйлийг өөртөө нааж болохгүй. Хамгийн энгийнээр хэлэхэд даруу биш байна.
     
19. Хуулийн шинэтгэлийг хийхэд хөрөнгө мөнгө хэрэгтэй. 1996 онд бид хийж чадаагүй. Тэр үед мөнгө байгаагүй.
     
20. Хуулийн салбарынхантай муудалцсаар байгаад цаг хугацаагаа алдаж байна.
     
21. Таван нум, нэг сумны тухай яриад эхэлсэн. Би сайн ойлгоогүй.
     
22. 16’000 цагдаа, 1000 шүүгч, 1000 прокурортайгаа үлдэх үү. Эсвэл энэ болгонтой таарахгүй байгаа нэг сайдаа халж явуулах уу гэдэг л сонголтыг би хийсэн.
     
23. О.Баасанхүү гишүүний санал болон тэр хүүхэн шуухан, хар тамхитай холбоотой шалгагдаж байгаа хэргийг ч би үндэслэл болгоогүй. 
     
24. Хөрөнгөжсөн хурандаа нарыг тэтгэвэрт гаргасан. Тэдний нэг нь Х.Тэмүүжингийн найз Амарзаяа.
     
25. ХОМ-ээ буруу мэдүүлсэн хүнийг төрийн албанд дахиж авдаггүй. Гэтэл авах авахдаа хуучин дүүргийн цагдаагийн дарга байсан хүнийг ЦЕГ-ын дэд дарга болгочихсон.
     
26. Найз нөхөд байж болно. Хөрөнгөжсөн хурандаа нартай тэмцэнэ гэчихээд начир дээрээ түүнийгээ зөрчөөд байж болохгүй. Гэхдээ Х.Тэмүүжин үүнийхээ бурууг хүлээгээд алдаагаа зассан.
     
27. Ёс зүй гэдэг зүйл байх ёстой. Хууль зүйн сайд хулгай хийдэг, хар тамхи хэрэглэдэг улсуудтай дотно харилцаатай байж болохгүй л дээ.
     
28. Ерөнхийлөгч түүнийг их сайн хүн л гэж бодоод байгаа.
     
29. Хуулиуд нь батлагдахгүй гацаад байна гэдэг бол энэ хүний /Х.Тэмүүжин/ бодсоноор цаашид явах боломжгүй боллоо л гэсэн үг.

Эдийн засгийн өнөөгийн нөхцөл байдлын талаар:

1. Бид нүүрсээ яг Австрали шиг хэрэглэгчийнхээ “хашаанд” оруулж өгч чадахгүй байна.
    
2. Нүүрсээ угаагаад нэг цонхоор зарах гэдэг дээрээ тохирч байна.
    
3. Дэлхийн ноолуурын 25 хувийг Монгол дангаараа гаргадаг.
    
4. Гангийн үйлдвэр ашиглалтанд орох ёстой. Жил долоон сар боллоо. Ашиглалтанд ороогүй л байна. 
    
5. Чингис бондын өрийг яаж төлөх талаар Засгийн газар одоогоор бодоогүй явж байна.
    
6. 2017 оны арванхоёрдугаар сарын 6-ны өдөр бид өрөө төлнө. Хүүгийн хамт.
    
7. 2014 оны төсвийн тодотголоос эхлээд өрөндөө төлөх мөнгөө нөөцлөх хэрэгтэй гэсэн үг. 
    
8. Сургууль, цэцэрлэг барих мөнгөнөөсөө л хасалт хийгээд эхэлнэ. 
    
9. Төрийн албан хаагчдын тоогоо цөөлнө. 
    
10. Урсгал зардлаа бууруулна. 
     
11. Хэмнэлтийн горимд орохоос өөр аргагүй болно. 
     
12. Бондоор боссон зүйл юу байна гэхээр Боинг онгоцноос өөр үзүүлэх юмгүй болчихоод байгаа юм. Бусад нь бүтээн босголтын шатандаа явж байна. Зам, төмөр зам гээд.
     
13. Засгийн газар дотор фракц байхгүй. 
     
14. Эцийн дүнд Н.Алтанхуягийн Засгийн газар гэж ярихаас биш аль фракцийн хэн гэдэг сайд вэ гэж ярихгүй.

Үндэсний Аюулгүй байдлын тухай:

1. 1990 оноос хойш Монгол гэдэг үзэл суртлын зүйлээ бид мартсан. Үүнийгээ явуулаагүй. 
    
2. Бид юуны төлөө Соёлын яамтай болов. Урлаг, уран сайхнаараа дамжуулж эх орноороо бахархах зүйлийг хийх хэрэгтэй. 
    
3. Бид дутах юм байхгүй. 
    
4. Монголчууд өөрөө өөртөө итгэхгүй бол бидэнд хэн ч итгэхгүй.