Испани 18 дахь удаагийн сагсан бөмбөгийн ДАШТ-д түрүүллээ

Сагсан бөмбөгийн эрэгтэйчүүдийн 18 дахь удаагийн ДАШТ 2019.08.31-09.15-ны хооронд БНХАУ Бээжин, Шанхай, Донгуан, Гуанжу, Нанжин, Вухан, Фошан, Шенжен хотуудад зохион байгуулагдлаа.

Энэ удаагийн ДАШТ-д Африкийн 5, Ази, номхон далайн 8, Европын 12, Америкийн 7, нийт 32 улсын баг оролцсон ба багууд 8 хэсэгт (a,b,c,d,e,f,g,h) хуваагдаж хэсэгтээ тойргоор тоглож хэсгээс 1,2 –оор гарсан 16 баг дахин дөрвөн хэсэгт (i,j,k,l) хуваагдаж хэсгээс дахин 1,2-оор гарч, дараагийн шатан багууд хасагдах журмаар финалын шат хүртэл өрсөлдлөө.