Амралтын өдрүүдэд, Шинийн 1,2,3-ны өдөр тээврийн хэрэгслийн дугаарын хязгаарлалт ҮЙЛЧЛЭХГҮЙ
Амралтын өдрүүдээр буюу Бямба, Ням гарагт тээврийн хэрэгслийн улсын дугаарын хязгаарлалт үйлчлэхгүй.
Мөн Шинийн 1,2,3-ны баярын өдөр дугаарын хязгаарлалт үйлчлэхгүй.
Харин Шинийн 4-нд /2017.03.02/ ажил эхлэх өдөр дугаарын хязгаарлалт үйлчлэх юм байна.
Нийслэлийн Иргэдийн Төлөөлөгчдийн Хурлын “Тээврийн хэрэгслийн улсын дугаараар ялган замын хөдөлгөөнд оролцуулах” тухай 2/08 дугаар тогтоолын дагуу дугаарын хязгаарлалтыг бүх нийтийн баяр, амралтын өдрүүдэд мөрддөггүй.
Эдгээр өдрүүдэд томоохон зах, худалдааны төв болон орон сууц, гэр хорооллын дундах замуудад хөдөлгөөний ачаалал эрс нэмэгдсэний улмаас жолооч нар урсгал сөрөх, хурд хэтрүүлэх, эгнээ байр буруу эзлэх, тээврийн хэрэгсэлээ зорчих хэсгийн нэгдүгээр эгнээнд байршуулах, давхардуулж зогсох, гарц, уулзвар хааж тавих гэх зэргээр зөрчил гарган, зохиомол түгжрэл саатал ихээр бий болгож, бухимдах асуудал гардаг.
